ក្រសួងសុខាភិបាលប្រកាសនៅព្រឹកនេះថា រកឃើញអ្នកផ្ទុកមេរោគកូវីដ១៩នាក់១៥នាក់បន្ថែមទៀត នាំឱ្យអ្នកផ្ទុកមេរោគនេះ នៅកម្ពុជាកើនឡើងដល់១៥៦នាក់។
សេចក្តីប្រកាសព័ត៌មានរបស់ក្រសួងសុខាភិបាលបញ្ជាក់ថា អ្នកផ្ទុកមេរោគកូវីដ១៩ ចំនួន១៥នាក់ ដែលទើបរកឃើញនោះជាបុរសជនជាតិខ្មែរទាំងអស់ ដែលធ្វើដំណើរមកពីប្រទេស អារ៉ាប់ប៊ីសាអូឌីត។ ក្រសួងបញ្ជាក់ថា អ្នកទាំង១៥នាក់នេះ កំពុងសម្រាកព្យាបាលនៅមណ្ឌលសុខភាពចាក់អង្រែក្នុងរាជធានីភ្នំពេញ។
របាយការណ៍របស់ក្រសួងសុខាភិបាលបញ្ជាក់ថា គិតមកត្រឹមព្រឹកថ្ងៃទី១២ខែកក្កដានេះ កម្ពុជា រកឃើញអ្នកផ្ទុកកូវីដ១៩ចំនួន១៥៦នាក់ ហើយព្យាបាលជាសះស្បើយបានចំនួន១៣៣នាក់៕
