ស្នងការនគរបាលរាជធានីភ្នំពេញ បានណែនាំដល់កងកម្លាំងទាំងអស់ត្រៀមប្រចាំការនិងបង្កើនការចេញល្បាតនៅតាមគោលដៅ ដើម្បីទប់ស្កាត់បទល្មើសនានា កំឡុងពេលឈប់សម្រាកជំនួសថ្ងៃបុណ្យចូលឆ្នាំចំនួន៥ថ្ងៃ។
ក្នុងគេហទំព័ររបស់អគ្គស្នងការដ្ឋាននគរបាលជាតិ ចុះផ្សាយនៅថ្ងៃម្សិលមិញថា អគ្គស្នងការរង និងជាស្នងការនគរបាលរាជធានីភ្នំពេញ លោក ស ថេត បានប្រាប់ទៅកងកម្លាំងចម្រុះជាច្រើននាក់ ឲ្យត្រៀមប្រចាំការ និងចេញល្បាត តាមគ្រប់គោលដៅ ដើម្បីជួយសម្រួលចរាចរណ៍ ជាពិសេស ដើម្បីបង្ការ និងទប់ស្កាត់ ការរាល់បទល្មើសនានា កុំឲ្យកើតមានឡើង ស្របពេលដែលប្រជាពលរដ្ឋជាច្រើន ធ្វើដំណើរចេញពីលំនៅដ្ឋានទៅលេងស្រុកកំណើត និងដើរលេងកំសាន្តជាមួយក្រុមគ្រួសារនៅតាមបណ្តាខេត្តនានា នៅក្នុងឱកាសឈប់សម្រាករយ:ពេល៥ថ្ងៃនេះ។
បន្ថែមពីនេះ លោក ស ថេត ក៏បានណែនាំទៅប្រជាពលរដ្ឋប្រុងប្រយ័ត្ន និងគោរពច្បាប់ចរាចរណ៍ទាំងអស់គ្នា រួមទាំងអនុវត្តតាមការណែនាំរបស់ក្រសួងសុខាភិបាល ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ១៩ផងដែរ។
រដ្ឋាភិបាលប្រកាសឱ្យឈប់សង សម្រាប់ថ្ងៃចូលឆ្នាំ១សប្តាហ៍ពេញ គឺចាប់ពីថ្ងៃទី១៧ដល់ថ្ងៃទី២១ខែសីហាឆ្នាំ២០២០៕