ព័ត៌មានជាតិ, សេដ្ឋកិច្ច, អភិបាលកិច្ច

លោកសុខ ទូចលើកឡើងពីមន្ត្រីវៀតណាមនិងថៃធ្វើការងារសកម្ម

លោក ពៅ មេត្តា
| ២៩ សីហា ២០២០
ម៉ោង ០៦:៥៤

លោក សុខ ទូចប្រធានរាជបណ្ឌិត្យសភាកម្ពុជា។ រូបពីហ្វេសប៊ុក លោក សុខ ទូច។

ប្រធានរាជបណ្ឌិត្យសភាកម្ពុជាលើកឡើងថា មូលហេតុដែលប្រទេសថៃនិងវៀតណាម ទទួលបានការវិនិយោគច្រើន ដោយសារតែមន្ត្រីរបស់ពួកគេធ្វើការងារសកម្មតាមការសម្រេចរបស់ថ្នាក់ដឹកនាំ។

នៅក្នុងសន្និសីទសារព័ត៌មានកាលពីម្សិលមិញ លោក សុខ ទូច លើកឡើងថា នៅថៃ និង វៀតណាម កាលថ្នាក់ដឹកនាំគេសម្រេចគឺមន្ត្រីថ្នាក់ក្រោមធ្វើតាម។

លោក សុខ ទូច៖«នៅជាអ្នកស្រាវជ្រាវបានខ្ញុំដឹង។ ហេតុអ្វីគេវិនិយោគនៅវៀតណាម? ហេតុអ្វីគេវិនិយោគនៅថៃ? កាលណានាយករដ្ឋមន្ត្រីគេថា ភ្លាមពីលើដល់ក្រោមត្រូវអនុវត្តន៍»។

ប៉ុន្តែលោកថា មន្ត្រីនៅស្រុកខ្មែរវិញ ទទួលស្តាប់តែនៅពីមុខនាយករដ្ឋមន្ត្រីតែប៉ុណ្ណោះ តែមិនអនុវត្តន៍តាមនោះទេ។

លោក សុខ ទូច៖«ស្រុកគេកាលណានាយករដ្ឋមន្ត្រីគេសាញ៉េ(ចុះហត្ថលេខា)ហើយគឺពីលើដល់ក្រោមគេយកទៅអនុវត្តន៍ តែយើងអត់ទេ។ បាទៗតែមុខសម្តេច ផុតមុខសម្តេចអត់មានធ្វើទេ»។

លោក សុខ ទូច ជំរុញឱ្យមន្ត្រីទាំងអស់ខិតខំធ្វើការងាររួមគ្នាទើបអាចរុញប្រទេសកម្ពុជាឱ្យរីកចម្រើនបាន។ លោកបន្តថា ការនិយាយរបស់លោកលើបញ្ហានេះ លោកដឹងថា នឹងមានបញ្ហាផ្ទាល់ខ្លួន តែលោកនៅតែនិយាយដើម្បីផលប្រយោជន៍ជាតិ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។