កម្លាំងមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានប្រទះឃើញចម្លាក់តោថ្មបុរាណមួយ ខណៈពួកគេកំពុងជីកកាយដីរៀបចំប្រព័ន្ធអាងស្តុកទឹកក្រោមដី នៅមុខក្រុមប្រឹក្សាអភិវឌ្ឍន៍កម្ពុជា (CDC) ជាប់មាត់ទន្លេ រាជធានីភ្នំពេញ។
លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក CMAC បានឱ្យដឹងក្នុងបណ្តាញសង្គមហ្វេសប៊ុកថា ចម្លាក់តោថ្មបុរាណនេះ ត្រូវបានក្រុមការងារ CMAC បានប្រទះឃើញនៅរសៀលថ្ងៃទី៤ ខែកញ្ញានេះ នៅទីតាំងបោសសម្អាតគ្រាប់ ដេីម្បីអនុវត្តគំរោងអភិវឌ្ឍន៍នៃការដ្ឋានសាងសង់អាងស្តុកទឹកក្រោមដីនិងសាងសង់ស្ថានីយ៍បូមទឹកទី៦របស់រាជធានីភ្នំពេញដែលគាំទ្រដោយទីភ្នាក់ងារសហប្រតិបត្តិការអន្តរជាតិជប៉ុន (JICA)។
លោកបន្តថា ចម្លាក់តោថ្មបុរាណនេះ មានកម្ពស់ជាង២,៥ម៉ែត្រ ទំហំដងខ្លួនជាង១ម៉ែត្រ ហើយបច្ចុប្បន្ន ត្រូវបានកម្លាំង CMAC ប្រគល់ជូនទៅសាលារាជធានីភ្នំពេញ ក្នុងការគ្រប់គ្រងបន្ត៕