វៀតណាមជូនពរកម្ពុជាឱ្យមានសុភមង្គលនិងសប្បាយរីករាយ

ស្ថានទូតវៀតណាមប្រចាំកម្ពុជា ជូនពរក្នុងឱកាសពិធីបុណ្យភ្ជុំបិណ្ឌ ឱ្យប្រជាជនកម្ពុជាមានសុភមង្គល និងមានភាពសប្បាយរីករាយក្នុងអត្ថន័យជ្រាលជ្រៅជាមួយក្រុមគ្រួសារ។​

សាររបស់ស្ថានទូតវៀតណាមប្រចាំកម្ពុជាផ្សព្វផ្សាយកាលពីថ្ងៃទី១៥ខែកញ្ញា ដោយជូនពរឱ្យប្រជាជនកម្ពុជាមានសេចក្តីសុខ សុភមង្គលនិងកុំភ្លេចការការពារចំពោះការឆ្លងមេរោគកូវីដ១៩។​

ស្ថានទូតវៀតណាម​៖«សូមជូនពរប្រជាជនកម្ពុជាទាំងអស់ មានសុខភាពល្អបរិបូរណ៍ សុភមង្គល និងមានពេលវេលាសែនសប្បាយប្រកបដោយអត្ថន័យជ្រាលជ្រៅជាមួយក្រុមគ្រួសារនិងបងប្អូន ហើយមិនភ្លេចការអំពាវនាវរបស់រាជរដ្ឋាភិបាលអំពីការអនុវត្តវិធានការតាមការណែនាំរបស់ក្រសួងសុខាភិបាលការពារខ្លួនពីវីរុសកូវីដ១៩ ទាំងអស់គ្នា»។

ឱកាសនៃបុណ្យភ្ជុំបិណ្ឌប្រពៃណីជាតិតាមបែបពុទ្ធសាសនារបស់កម្ពុជានៅឆ្នាំ២០២០នេះ គឺចាប់ផ្តើមពីថ្ងៃទី១៦ ដល់ថ្ងៃទី១៨ខែកញ្ញា៕​