ព្រះមហាក្សត្រ សម្ដេចព្រះនរោត្ដម សីហមុនី និងព្រះមាតាទ្រង់គ្រោងយាងទៅកាន់ប្រទេសចិននៅថ្ងៃស្អែកនេះ ដើម្បីពិនិត្យនិងព្យាបាលព្រះរាជសុខភាព។ នេះបើតាមព្រះរាជសាររបស់ទ្រង់ចេញនៅថ្ងៃនេះ។
ក្នុងព្រះរាជសារដដែល ព្រះករុណាព្រះមហាក្សត្រ នរោត្ដម សីហមុនី មានព្រះបន្ទូលថា ទ្រង់និងព្រះមាតាទ្រង់ នឹងអវត្តមានពីប្រទេសកម្ពុជាចាប់ពីថ្ងៃទី៦ ខែតុលា ហើយយាងទៅកាន់ប្រទេសចិន ដើម្បីពិនិត្យនិងព្យាបាលព្រះរាជសុខភាព។
ព្រះមហាក្សត្រទ្រង់មានបន្ទូលក្នុងព្រះរាជសារទៀតថា ប្រធានព្រឹទ្ធសភា លោក សាយ ឈុំ នឹងទទួលឋានៈជាប្រមុខរដ្ឋស្ដីទីអំឡុងពេលទ្រង់អវត្តមាន៕
