អាជ្ញាធរខេត្តកំពង់ស្ពឺបានប្រកាសថាទំនប់ចំការតែនៅខ្នងភ្នំគិរីរម្យដែលស្តុកទឹក៥លានម៉ែត្រគូបបានបាក់។
យោងតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺដែលចេញនៅថ្ងៃនេះ ទំនប់ចំការតែនៅលើខ្នងភ្នំគិរីរម្យនេះត្រូវបានបាក់ដោយសារតែមានភ្លៀងធ្លាក់ច្រើនជាបន្តបន្ទាប់។
អភិបាលខេត្តកំពង់ស្ពឺ លោក វ៉ី សំណាង បានសរសេរនៅលើទំព័រហ្វេសប៊ុករបស់លោកថាទំនប់នេះបានបាក់នៅម៉ោង៤រសៀលថ្ងៃនេះ។
អាជ្ញាធរបានអំពាវនាវឱ្យពលរដ្ឋដែលរស់នៅតំបន់ខាងក្រោមទំបន់នេះរួមមានឃុំចំបក់ ឃុំតាំងស្យា ឃុំតាំងសំរោង ឃុំមហាសាំងនៃស្រុកភ្នំស្រួច និង ឃុំតាំងក្រូចនៃស្រុកសំរោងទង ក៏ដូចជាតាមបណ្តោយស្ពានព្រែកត្នោត បង្ការ និងប្រុងប្រយ័ត្នខ្ពស់៕