មន្ទីរសាធារណការ និងដឹកជញ្ជូនខេត្តព្រះវិហារ ហាមឃាត់បណ្តោះអាសន្ន មិនឱ្យរថយន្តដឹកទំនិញធុនធ្ងន់គ្រប់ប្រភេទចរាចរណ៍លើផ្លូវជាតិចំនួន៥ខ្សែ ដើម្បីថែរក្សាផ្លូវថ្នល់ និងសុវត្ថិភាពជូនប្រជាពលរដ្ឋ ខណៈទឹកជំនន់កំពុងជន់លិច។
ក្នុងសេចក្តីជូនដំណឹងរបស់មន្ទីរសាធារណការ និងដឹកជញ្ជូន កាលពីថ្ងៃ១៦ខែតុលាម្សិលមិញបានឱ្យដឹងថា ដោយសារតែស្ថានភាពគ្រោះជំនន់ទឹកភ្លៀងបានបន្តឡើងរហូតដល់កម្រិតប្រកាសអាសន្នធ្វើឲ្យផ្លូវថ្នល់ ស្ពានមិនអាចទ្រំាទ្រនឹងទម្ងន់រថយន្តដឹកទំនិញធុនធ្ងន់។
ករណីនេះមន្ទីរសាធារណការ និងដឹកជញ្ជូនខេត្តព្រះវិហារសម្រេចបិទចរាចរណ៍បណ្តោះអាសន្នទាំងស្រុងចំពោះរថយន្តធុនធ្ងន់គ្រប់ប្រភេទតាមផ្លូវជាតិលេខ៩ ផ្លូវជាតិលេខ៦២ ផ្លូវជាតិ៦៤ ផ្លូវជាតិលេខ៩៥ និងផ្លូវខេត្តលេខ៦២៦២៧ ចាប់ពីថ្ងៃទី១៦ ខែតុលា រហូតដល់មានសេចក្តីជូនដំណឹងថ្មី ដើម្បីថែរក្សាផ្លូវថ្នល់ ស្ពាន កុំឱ្យស្រុត និងធានាដល់សុវត្ថិភាពចរាចរណ៍ជូនដល់ប្រជាពលរដ្ឋ៕
