ព័ត៌មានជាតិ

អ្នកប៉ះពាល់ជាមួយរដ្ឋមន្រ្តីការបរទេសហុងគ្រីជាង៦០០នាក់ មិនមានកូវីដ១៩

លោក ស៊ុន សុខេន
| ០៥ វិច្ឆិកា ២០២០
ម៉ោង ០៧:៣២

រដ្ឋមន្រ្តីក្រសួងធនធានទឹក លោក លឹម គានហោ ចាប់ដៃជាមួយរដ្ឋមន្ត្រីការបរទេសហុងគ្រី ភីធើ ស៊ីចាតូ នាវិមានសន្តិភាពរាជធានីភ្នំពេញនាថ្ងៃទី៣ខែវិច្ឆិកាឆ្នាំ២០២០។ (រូបថត៖ហ្វេសប៊ុកលោកនាយករដ្ឋមន្រ្តីហ៊ុន សែន)

ក្រសួងសុខាភិបាលបានប្រកាសថាគិតត្រឹមម៉ោង២៣:០០ថ្ងៃទី៤ ខែវិច្ឆិកា អ្នកប្រាស្រ័យទាក់ទងជាមួយនឹងរដ្ឋមន្រ្តីក្រសួងការបរទេសហុងគ្រីចំនួន៦២៨នាក់ ត្រូវបានយកសំណាកទៅធ្វើតេស្តដោយលទ្ធផលបង្ហាញថាពួកគាត់អវិជ្ជមានកូវីដ១៩ទាំងអស់។

ក្នុងសេចក្តីជូនព័ត៌មានរបស់ក្រសួងសុខាភិបាលដែលចេញផ្សាយនៅថ្ងៃនេះ ក្រសួងក៏បាននិងកំពុងបន្តស្រាវជ្រាវអ្នកដែលធ្លាប់ប៉ះពាល់ជាមួយរដ្ឋមន្រ្តីក្រសួងការបរទេសហុងគ្រីលោក ភីធើ ស៊ីចាតូ (Peter Szijjarto) ក្នុងអំឡុងពេលបំពេញទស្សនកិច្ចនៅកម្ពុជាកាលពីថ្ងៃទី៣ ខែវិច្ឆិកាផងដែរ។

គិតត្រឹមព្រឹកថ្ងៃទី៥ ខែវិច្ឆិកានេះ កម្ពុជាមានករណីអ្នកមានកូវីដ១៩ចំនួន២៩២នាក់ ដែលក្នុងនោះព្យាបាលជាសះស្បើយចំនួន២៨៦នាក់ និងកំពុងសម្រាកព្យាបាលនៅមន្ទីពេទ្យមិត្តភាពខ្មែរ-សូវៀត រាជធានីភ្នំពេញចំនួន៦នាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។