រដ្ឋាភិបាលកម្ពុជា បានឱ្យដឹងថា កំពុងសម្របសម្រួលជាមួយរដ្ឋាភិបាលអ៊ីស្រាអែល ដើម្បីរៀបចំមាតុភូមិនិវត្តន៍និស្សិតកម្ពុជា១២៨នាក់ ដែលបញ្ចប់ការសិក្សានៅប្រទេសអ៊ីស្រាលអែលត្រឡប់មកកម្ពុជាវិញនៅដើមសប្តាហ៍ក្រោយនេះ។
ក្នុងលិខិតរបស់ក្រសួងការបរទេស និងសហប្រតិបត្តិការអន្តរជាតិបានឱ្យដឹងនៅថ្ងៃនេះថា និស្សិត១២៨នាក់ដែលបញ្ចប់ការសិក្សានៅប្រទេសអ៊ីស្រាអែលជួបការលំបាកធ្វើដំណើរអំឡុងពេលវិបត្តិកូវីដ១៩។
ករណីនេះរដ្ឋាភិបាលកម្ពុជាអះអាងថា កំពុងសម្របសម្រួលជាមួយរដ្ឋាភិបាលអ៊ីស្រាអែល ដើម្បីរៀបចំមាតុភូមិនិវត្តន៍និស្សិតកម្ពុជាទាំង១២៨នាក់ត្រឡប់មកកម្ពុជាវិញនៅថ្ងៃទី២៣ ខែវិច្ឆិកា ដល់ថ្ងៃ៣០ ខែដដែល តាមជើងយន្តហោះពិសេស ហោះត្រង់ពីអ៊ីស្រាអែលមកកម្ពុជា។
បន្ថែមពីនេះ យន្តហោះនោះនឹងដឹកជញ្ជូននិស្សិតកម្ពុជាដែលបានទទួលអាហារូករណ៍ចំនួន២៥០នាក់ផ្សេងទៀត ទៅបន្តការសិក្សានៅប្រទេសអ៊ីស្រាអែលផងដែរ៕