ប្រធានាធិបតីជាប់ឆ្នោតលោក ចូ បៃឌិន បញ្ជាក់ថា មេដឹកនាំមិនត្រូវអង្គុយលើច្បាប់ ដើម្បីតែផលប្រយោជន៍ការពារអំណាចរបស់ខ្លួននោះទេ គឺត្រូវប្រើច្បាប់បម្រើយុត្តិធម៌ដល់ប្រជាជនគ្រប់គ្នាទាំងអស់នៅក្នុងសង្គម។
លោក ចូ បៃឌិត បានសរសេរសារបែបនេះបញ្ជាក់ពីតួនាទីរបស់ច្បាប់ និងប្រធានាធិបតីនៅលើហ្វេសប៊ុករបស់លោក។
លោក ចូ បៃឌិត៖« ប្រធានាធិបតីរបស់យើងគឺមិនអង្គុយលើច្បាប់ទេ។ មិនត្រូវប្រើច្បាប់ការពារអំណាចទេគឺត្រូវធ្វើយ៉ាងណាឱ្យប្រជាជនគ្រប់គ្នាមានយុត្តិធម៌នៅក្នុងសង្គម»។
លោក ចូ បៃឌិត នឹងចូលកាន់តំណែងជាផ្លូវការក្នុងនាមជាប្រធានាធិបតីទី៤៦របស់អាមេរិកនៅថ្ងៃទី២០ខែមករា ឆ្នាំ២០២១។
របាយការណ៍គម្រោងយុត្តិធម៌ពិភពលោក(WJP) ប្រចាំឆ្នាំ២០២០ បង្ហាញថា អាមេរិកជាប់ចំណាត់ថ្នាក់លេខ២១ក្នុងចំណោម១២៨ប្រទេស។ ចំណាត់ថ្នាក់នេះអាមេរិកធ្លាក់ចុះ១លេខបើប្រៀបធៀបជាមួយឆ្នាំ២០១៩។ របាយការណ៍នេះបង្ហាញថា ប្រទេសដាណឺម៉ាកជាប់ចំណាត់ថ្នាក់លេខ១ ជាចំណាត់ថ្នាក់ល្អប្រសើរជាងគេខាងប្រព័ន្ធយុត្តិធម៌៕