ក្រុមថ្នាក់ដឹកនាំយោធាបានឃុំខ្លួនលោកស្រី អ៊ុង សានស៊ូជី មេដឹកនាំប្រទេសមីយ៉ាន់ម៉ា ដែលកើតចេញពីការបោះឆ្នោតនៅព្រឹកថ្ងៃចន្ទទី១ ខែកុម្ភៈនេះ។
អ្នកនាំពាក្យគណបក្សសម្ព័ន្ធប្រជាធិបតេយ្យរបស់លោកស្រី អ៊ុង សានស៊ូជី លោក Myo Nyunt ថ្លែងប្រាប់ទីភ្នាក់ងារព័ត៌មានរ៉យទ័រថា លោកស្រី អ៊ុង សានស៊ូជី ត្រូវចាប់ឃុំខ្លួននៅព្រឹកព្រលឹមថ្ងៃចន្ទនេះ។
ការចាប់ខ្លួននេះ ធ្វើឡើងបន្ទាប់ពីថ្ងៃអាទិត្យម្សិលមិញមានការផ្សព្វផ្សាយថា ក្រុមយោធាគ្រោងធ្វើរដ្ឋប្រហារ បន្ទាប់ពីការមានការប្រឈមមុខដាក់គ្នារវាងរដ្ឋាភិបាលស៊ីវិល និងថ្នាក់ដឹកនាំយោធាលើដំណើរការបោះឆ្នោត៕
