ក្រុមវេជ្ជបណ្ឌិតនៅក្នុងប្រទេសមីយ៉ាន់ម៉ាប្រកាសថា ពួកគេនឹងឈប់ទៅមន្ទីរពេទ្យ ដើម្បីបញ្ជាក់ជំហរមិនអាចទទួលយកបានការគ្រប់គ្រងរបស់មេដឹកនាំផ្តាច់ការពីក្រុមយោធាចង់ធ្វើអ្វីតាមអំពើចិត្តគ្មានការគោរពច្បាប់ និងសិទ្ធិពលរដ្ឋ។
បណ្តាញក្រុមវេជ្ជបណ្ឌិតមកពីមន្ទីរពេទ្យរដ្ឋចំនួន២០ផ្សេងគ្នាបានចេញសេចក្តីថ្លែងការណ៍រួមមួយ ដោយអំពាវនាវឱ្យពេទ្យផ្សេងៗទៀតចូលរួមក្នុងយុទ្ធនាគារនេះ ដោយប្រឆាំងអំណាចយោធាឡើងកាន់អំណាចបំផ្លាញដំណើរការប្រជាធិបតេយ្យ។
វេជ្ជបណ្ឌិតម្នាក់ដែលចូលរួមក្នុងយុទ្ធនាការនេះ លោកMyo Thet Oo ថ្លែងប្រាប់ទីភ្នាក់ងាររ៉យទ័រថា មិនអាចទទួកយកបាននោះទេ។
លោកMyo Thet Oo៖«យើងមិនអាចទទួលយកបានមេដឹកនាំផ្តាច់ការ និងការឡើងកាន់អំណាចដោយមិនមានការបោះឆ្នោតនោះទេ។ គេអាចចាប់ខ្លួនយើងបានគ្រប់ពេលវេលា ប៉ុន្តែយើងសម្រេចប្រឈមបញ្ហានេះ ពួកយើងឯកភាពគ្នាមិនទៅមន្ទីរពេទ្យ»។
យុទ្ធនាការរបស់ក្រុមគ្រូពេទ្យរបស់មីយ៉ាន់ម៉ានេះ អាចមានឥទ្ធិពលខ្លាំងក្នុងចំណោមពលរដ្ឋមីយ៉ាន់ម៉ា៥៤លាននាក់ ហើយក្នុងស្ថានភាពបច្ចុប្បន្នកំពុងមានការឆ្លងរាលដាលមេរោគកូវីដ១៩ផង។ ទោះយ៉ាងណាយុទ្ធនាការនេះមិនទាន់បញ្ជាក់ច្បាស់លាស់ថា ត្រូវចាប់ផ្តើមអនុវត្តន៍ពេលណាទេ៕