អ្នកស្លាប់ដោយការប៉ះទង្គិចគ្នានៅមីយ៉ាន់ម៉ាកើនដល់២១នាក់

ចំនួនអ្នកស្លាប់ដោយសារការប៉ះទង្គិចគ្នានៅក្នុងប្រទេសមីយ៉ាន់ម៉ាកើនឡើងដល់២១នាក់គិតត្រឹមយប់ថ្ងៃទី២៨ខែកុម្ភៈ ខណៈមនុស្សជាច្រើនទៀតបានរងរបួស និងត្រូវចាប់ខ្លួន។​

តាមការចុះផ្សាយរបស់ទីភ្នាក់ងារព័ត៌មានរ៉យទ័របញ្ជាក់ថាចំនួនអ្នកតវ៉ាស្លាប់ដោយសារការបង្ក្រាបនៅថ្ងៃអាទិត្យនេះមានចំនួន​៦នាក់ នាំឱ្យចំនួនអ្នកស្លាប់ដោយសារការបង្ក្រាបតាំងពីដើមខែកុមុ្ភៈមកកើនឡើងដល់២១នាក់។

ទោះយ៉ាងរបាយការណ៍របស់ការិយាល័យអង្គការសហប្រជាជាតិប្រចាំនៅប្រទេសមីយ៉ាន់ម៉ាបង្ហាញបញ្ជីឈ្មោះស្លាប់មានត្រឹម១៨នាក់។

ចំណែកទូរទស្សន៍រដ្ឋមីយ៉ាន់ម៉ាផ្សព្វផ្សាយថា យោធាម្នាក់បានស្លាប់ដែរក្នុងអំឡុងពេលនៃការប៉ះទង្គិចគ្នានេះ។​

ស្ថានភាពនៅក្នុងប្រទេសមីយ៉ាន់ម៉ានៅតែស្ថិតនៅក្នុងភាពមិនច្បាស់លាស់ដដែលចាប់តាំងពីថ្ងៃធ្វើរដ្ឋប្រហារកាលពីថ្ងៃទី១ខែកុម្ភៈមកគឺចំនួនអ្នកតវ៉ានៅតែមិនថយចុះ ចំណែកយោធានៅតែបង្កើនកម្លាំងបង្ក្រាប៕​