ក្រសួងសុខាភិបាល រកឃើញអ្នកស្លាប់ដោយសារជំងឺកូវីដ-១៩ ចំនួន៣នាក់បន្ថែមទៀត ដែលនាំឱ្យអ្នកស្លាប់កើនឡើងដល់១៧៩នាក់ ខណៈចំនួនអ្នកឆ្លងថ្មីចំនួនជាង៥៥០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២៤ ខែឧសភា ឆ្នាំ២០២១ បានឱ្យដឹងថា កម្ពុជារកឃើញអ្នកស្លាប់ដោយសារជំងឺកូវីដ-១៩ថ្មី ចំនួន៣នាក់ ខណៈអ្នកឆ្លងថ្មីមានចំនួន៥៥៦នាក់ និងករណីព្យាបាលជាសះស្បើយចំនួន៦៥៨នាក់។
គិតត្រឹមព្រឹកថ្ងៃទី២៤ ខែឧសភា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន២៥ ៧៦១នាក់ និងបណ្តាលឱ្យមានអ្នកស្លាប់ចំនួន១៧៩នាក់។ ដោយឡែក អ្នកជំងឺដែលព្យាបាលជាសះស្បើយសរុបចំនួន១៨ ៣៥៩នាក់ និងករណីនាំចូលពីក្រៅប្រទេសមានចំនួន៧០១នាក់៕