ក្រសួងសុខាភិបាលបានប្រកាសរកឃើញអ្នកឆ្លងជំងឺកូវីដ-១៩ ជិត៥០០នាក់ ក្នុងនោះករណីនាំចូលពីក្រៅប្រទេសជិត ២០០ នាក់ ខណៈអ្នកជំងឺ ១៦ នាក់ទៀតបានស្លាប់។
ក្នុងសេចក្ដីប្រកាសព័ត៌មានរបស់ក្រសួងសុខាភិបាលចុះថ្ងៃទី២១ ខែសីហា ឆ្នាំ២០២១ ឱ្យដឹងថា អ្នកឆ្លងកូវីដ-១៩ទាំង ៤៩៣ នាក់ ត្រូវបានរកឃើញកាលពីម្សិលមិញ ក្នុងនោះ មានករណីនាំចូលពីក្រៅប្រទេសចំនួន ១៨៩ នាក់ ខណៈអ្នកជំងឺព្យាបាលជាសះស្បើយ ៦៥៥ នាក់ និងអ្នកស្លាប់ ចំនួន ១៦ នាក់។
គិតត្រឹមថ្ងៃទី២១ ខែសីហា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ៨៨,៧៣៥ នាក់ ក្នុងនោះ ករណីនាំចូលសរុប ១៣៩៩៣ និងស្លាប់ចំនួន ១,៧៧៨ នាក់។ ចំណែកអ្នកជំងឺព្យាបាលជាសះស្បើយវិញ សរុប ៨៤,៥០៦នាក់៕
