កម្ពុជារកឃើញអ្នកឆ្លងជំងឺកូវីដ-១៩ថ្មី ជាង៦០០នាក់បន្ថែមទៀត ខណៈអ្នកជំងឺ ៩នាក់ទៀតបានស្លាប់។
សេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី១១ ខែកញ្ញា ឆ្នាំ២០២១ បានឱ្យដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ជាង ៦៥៨ នាក់បន្ថែមទៀត ក្នុងនោះករណីនាំចូលពីក្រៅប្រទេសចំនួន ១៦០នាក់ និងអ្នកជំងឺស្លាប់ចំនួន ៩ នាក់ទៀត កាលពីមិ្សលមិញ។ ក្រៅពីមានអ្នកស្លាប់និងឆ្លងថ្មីនោះក្រសួងថា ក៏មានជំងឺ ៤៩៩ នាក់ បានជាសះស្បើយផងដែរ។
បើតាមក្រសួងសុខាភិបាល គិតត្រឹមថ្ងៃទី១១ ខែកញ្ញា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ៩៨ ៨៤២ នាក់ ក្នុងនោះករណីនាំចូលពីក្រៅប្រទេសចំនួន ១៦ ៧៤០ នាក់ និងអ្នកស្លាប់កើនដល់ ២ ០២៨ នាក់។ ចំណែកអ្នកជំងឺព្យាបាលជាសះស្បើយ ៩៣ ៤១១នាក់៕