អ្នកស្លាប់ដោយសារជំងឺកូវីដ-១៩ ចំនួន២០នាក់ទៀតបានស្លាប់ ខណៈអ្នកឆ្លងថ្មីមានចំនួន ១៧៤ នាក់ប៉ុណ្ណោះ។
សេចក្ដីប្រកាសព័ត៌មានរបស់ក្រសួងសុខាភិបាលចេញផ្សាយនៅថ្ងៃទី២ ខែតុលា ឆ្នាំ២០២១ បានឱ្យដឹងថា បើតាមលទ្ធផលបញ្ជាក់ដោយ PCR Test កាលពីថ្ងៃម្សិលមិញ កម្ពុជារកឃើញអ្នកឆ្លងជំងឺកូវីដ-១៩ ចំនួន ១៧៤ នាក់ ក្នុងនោះ ករណីនាំចូល ២១ នាក់ និងអ្នកជំងឺដែលស្លាប់ចំនួន ២៤ នាក់ ខណៈអ្នកព្យាបាលជាសះស្បើយចំនួន ៥៣៥ នាក់។
លោកនាយករដ្ឋមន្ត្រី ហ៊ុន សែន កាលពីថ្ងៃទី២៩ ខែកញ្ញា បានបញ្ជាឲ្យផ្អាកការធ្វើតេស្តរហ័ស (rapid tests) មកធ្វើតេស្តតាមម៉ាស៊ីន PCR Test វិញ ដែលលទ្ធផលរបស់វាសុក្រឹត្យជាង និងដើម្បីឱ្យពលរដ្ឋខ្មែរគ្រប់រូបចេះរៀនសម្របខ្លួនក្នុងស្ថានភាពវិបត្តិជំងឺកូវីដ-១៩នេះ ដោយមិនចាំបាច់ធ្វើតេស្តរហ័សនេះតទៀតនោះទេ។
បើតាមក្រសួងសុខាភិបាល គិតត្រឹមថ្ងៃសៅរិ៍ ទី២ ខែតុលា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១១៣ ០៥៧ នាក់ ក្នុងនោះ អ្នកជំងឺព្យាបាលជាសះស្បើយចំនួន ១០៣ ៩១៨ នាក់ ខណៈករណីនាំចូលពីក្រៅប្រទេសចំនួន ១៩ ០៤៩នាក់ និងអ្នកស្លាប់សរុប ២៣៦០ នាក់៕
