ក្រសួងសុខាភិបាលបានប្រកាសឱ្យដឹងនៅថ្ងៃនេះថា ចំនួនអ្នកស្លាប់ដោយសារជំងឺកូវីដ-១៩មានចំនួន ២៣នាក់ទៀត ខណៈអ្នកឆ្លងថ្មីចំនួន ២២០នាក់។
សេចក្ដីប្រកាសព័ត៌មានរបស់ក្រសួងសុខាភិបាលចេញផ្សាយនៅថ្ងៃទី៩ ខែតុលា ឆ្នាំ២០២១ នេះ បានឱ្យដឹងថា បើតាមលទ្ធផលបញ្ជាក់ដោយ PCR Test កាលពីថ្ងៃម្សិលមិញ កម្ពុជារកឃើញអ្នកឆ្លងជំងឺកូវីដ-១៩ សរុប ២២០ នាក់ ក្នុងនោះ ករណីនាំចូល ១៧ នាក់ និងអ្នកជំងឺដែលស្លាប់ចំនួន ២៣ នាក់។
ក្រៅពីរកឃើញអ្នកឆ្លង និងស្លាប់ហើយ ក៏មានអ្នកជំងឺកូវីដ-១៩ ចំនួន ៥៣៧ នាក់ ជាសះស្បើយវិញដែរ។
បើតាមក្រសួងសុខាភិបាល គិតត្រឹមថ្ងៃទី៩ ខែតុលា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១១៤ ៥៧១ នាក់ ក្នុងនោះ អ្នកជំងឺព្យាបាលជាសះស្បើយចំនួន ១០៧ ៣៧៦ នាក់ ខណៈករណីនាំចូលពីក្រៅប្រទេសចំនួន ១៩ ១៧៦ នាក់ និងអ្នកស្លាប់សរុប ២ ៤៨២ នាក់៕
