ក្រសួងសុខាភិបាលឱ្យដឹងថា អ្នកជំងឺកូវីដ-១៩ ចំនួន ២៤ នាក់ទៀតបានស្លាប់ ដែលធ្វើឱ្យអត្រាអ្នកស្លាប់កើនដល់ជាង ២ ៦០០នាក់ ខណៈអ្នកឆ្លងថ្មីចំនួន ២៦៧នាក់។
សេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី១៦ ខែតុលា ឆ្នាំ២០២១ ឱ្យដឹងថា យោងតាមលទ្ធផលបញ្ជាក់ដោយ PCR (test) កាលពីមិ្សលមិញ មានមនុស្សចំនួន ២៦៧នាក់ បានឆ្លងជំងឺកូវីដ-១៩ ក្នុងនោះករណីនាំចូលពីក្រៅប្រទេសចំនួន ១៦ នាក់ ខណៈអ្នកជំងឺដែលស្លាប់មានចំនួន ២៤នាក់។ ក្រៅពីរកឃើញអ្នកឆ្លងថ្មី និងស្លាប់នោះ ក្រសួងសុខាភិបាលថា កាលពីម្សិលមិញ ក៏មានអ្នកជំងឺកូវីដ-១៩ ចំនួន ៣១១ នាក់បានជាសះស្បើយ។
បើតាមក្រសួងសុខាភិបាល គិតត្រឹមថ្ងៃទី១៦ ខែតុលា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១១៦ ៤០៧នាក់ ក្នុងនោះ ករណីនាំចូលពីក្រៅប្រទេសចំនួន ១៩ ៣១៩ នាក់ ខណៈអ្នកជំងឺព្យាបាលជាសះស្បើយចំនួន ១១០ ៤៦៥នាក់ និងស្លាប់សរុប ២ ៦៣៤ នាក់៕
