ក្រសួងសុខាភិបាល ឱ្យដឹងថា អ្នកជំងឺកូវីដ-១៩ ចំនួន ១០ នាក់បានស្លាប់ ដោយអ្នកនោះសុទ្ធសឹងមិនបានចាក់វ៉ាក់សាំងការពារ ខណៈអ្នកឆ្លងថ្មី ចំនួន១៤៤នាក់។
សេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី២៣ ខែតុលា ឆ្នាំ២០២១ បានឱ្យដឹងថា អ្នកស្លាប់ដោយជំងឺកូវីដ-១៩ កាលពីថ្ងៃម្សិលមិញ មានចំនួន១០ នាក់ ដែលអ្នកទាំងនោះ មិនបានចាក់វ៉ាក់សាំងការពារជំងឺកូវីដ-១៩ នោះទេ។ ចំណែកអ្នកឆ្លងថ្មីមានចំនួន១៤៤ នាក់ ក្នុងនោះ មានករណីនាំចូលពីក្រៅប្រទេសចំនួន៣២នាក់ ខណៈអ្នកជាសះស្បើយថ្មីក្រសួងថា មានចំនួន ២៧៥ នាក់។
បើតាមក្រសួងសុខាភិបាល គិតត្រឹមថ្ងៃទី២៣ ខែតុលា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ១១៧ ៦៤៤ នាក់ ក្នុងនោះ អ្នកជំងឺព្យាបាលជាសះស្បើយចំនួន ១១២ ៦៥៨ នាក់ ខណៈអ្នកស្លាប់កើនដល់ចំនួន ២ ៧២៥ នាក់ និងករណីនាំចូលពីក្រៅប្រទេសចំនួន១៩៥០៥ នាក់៕
