ក្រសួងមហាផ្ទៃច្រានចោលអំពើពុករលួយនៃការតែងតាំងមន្ត្រីក្នុងអគ្គាធិការដ្ឋាន
អគ្គាធិការដ្ឋាននៃក្រសួងមហាផ្ទៃបានច្រានចោលការចោទប្រកាន់នានាថាមានភាពមិនប្រក្រតីមួយចំនួនក្នុងការតែងតាំងមន្ត្រីនៅក្នុងស្ថាប័ននេះ។ក្នុងលិខិតបំភ្លឺមួយដែលត្រូវបានផ្សព្វផ្សាយដោយអង្គភាពប្រឆាំងអំពើពុករលួយនៅថ្ងៃព្រហស្បតិ៍នេះ រដ្ឋ លេខាធិការនិងជាប្រធានក្រុមជនបង្គោលប្រឆាំងអំពើពុករលួយនៃក្រសួងមហាផ្ទៃ លោក តេង សាវង្ស បានលើកឡើងថានៅក្នុងអគ្គាធិការដ្ឋាន រាល់ការតែងតាំង ការដំឡើងឋានន្តរស័ក្តិមន្ត្រីក្នុងស្ថាប័នខ្លួន ពុំមានការចាប់បង្ខំ ការទិញ លក់មុខតំណែងនិងទទួលបានលាភសក្ការៈ ដើម្បីជាថ្នូរក្នុងការរៀបចំមុខតំណែងឡើយ។