រដ្ឋបាលរាជធានីភ្នំពេញ បន្តបិទខ្ទប់ «តំបន់ក្រហម» និង «តំបន់លឿងទុំ» បន្ថែម១សប្តាហ៍ទៀត ដើម្បីត្រៀមកាត់ផ្តាច់​​ការឆ្លងរាលដាលនៃជំងឺកូវីដ-១៩ នាពេលឆាប់ៗខាងមុខនេះ។

អាជ្ញាធរខេត្តព្រះសីហនុ បានជម្លៀសអ្នកជាប់ឃុំ​ជាស្ត្រីចំនួន១៤៦​នាក់ចេញពីពន្ធនាគារខេត្តព្រះសីហនុ ទៅឃុំខ្លួននៅឯពន្ធនាគារខេត្តកំពតវិញ ខណៈអាជ្ញាធរ​​ពាក់ព័ន្ធក៏បានត្រៀមដោះ​លែងអ្នកទោស​ស្រាលៗប្រមាណ​៨០​នាក់ផងដែរ​ ​ក្រោយពី​ផ្ទុះជំងឺកូវីដ-១៩ នៅក្នុង​ពន្ធនាគារខេត្តព្រះសីហនុ។

រដ្ឋាករទឹកស្វយ័តក្រុងភ្នំពេញ នឹងជួយបង់ថ្លៃប្រើប្រាស់ទឹកស្អាតចំនួន៣ខែ ដល់កម្មករ សិស្ស-និស្សិត ដែលជួលផ្ទះជាង៨០០កន្លែង ស្ថិតនៅតំបន់ក្រហម នៃភូមិសាស្រ្តរាជធានីភ្នំពេញ និងក្រុងតាខ្មៅ ក្នុងអំឡុងពេលនៃការបិទខ្ទប់ ខណៈពលរដ្ឋនៅតំបន់នេះមួយចំនួន​ចង់ឱ្យរដ្ឋាភិបាលជួយដោះស្រាយបញ្ហាប្រឈមរបស់ពួកគាត់ឱ្យបានច្រើនជាងនេះ។ ​

មន្ត្រីជាន់ខ្ពស់ក្រសួងសុខាភិបាល អះអាងថា សមាជិកគ្រួសារដែលផ្ទុកជំងឺកូវីដ-១៩ ចំនួន៤នាក់ ត្រូវបានក្រុមគ្រូពេទ្យបញ្ជូនទៅសម្រាកព្យាបាលជំងឺនៅមន្ទីរពេទ្យត្រឹមត្រូវរួចរាល់ហើយ។

លោកនាយករដ្ឋមន្ត្រី ហ៊ុន សែន នៅថ្ងៃសៅរ៍នេះ បានអំពាវនាវទៅម្ចាស់ផ្ទះជួលទាំងអស់កុំឱ្យទារថ្លៃឈ្នួលផ្ទះពីកម្មករ-កម្មការិនីដែលកំពុងស្ថិតនៅក្នុងតំបន់បិទខ្ទប់ នៅក្នុងរាជធានីភ្នំពេញ និងបណ្តាខេត្តនានា។

មន្ត្រីរដ្ឋាភិបាល​​មួយចំនួនបារម្ភថា ការឆ្លងរាលដាលជំងឺកូវីដ-១៩ ក្នុងសហគមន៍ អាចផ្ទុះឡើងក្នុង​​ទ្រង់ទ្រាយធំឡើង​វិញ បើ​ពលរដ្ឋមិនចូលរួមគោរពវិធានការសុខាភិបាល អំឡុងពេលរដ្ឋាភិបាលបញ្ចប់ការបិទខ្ទប់។