តំណាងកម្មកររោងចក្រមួយស្ថិតក្នុងតំបន់សេដ្ឋកិច្ចពិសេសក្នុងក្រុងបាវិត នៅតែមិនទាន់ត្រូវបានភាគីថៅកែរោងចក្រទទួលយកចូលធ្វើការងារវិញនៅឡើយទេ បើទោះបីជាមន្ទីរការងារខេត្តស្វាយរៀង បានសម្រេចបង្គាប់ឱ្យទទួលយកតំណាងកម្មករចូលធ្វើការវិញតាំងចុងខែមីនាក្ដី។
សហជីពតំណាងឲ្យអតីតបុគ្គលិក The Great Duke អះអាងថា រដ្ឋាភិបាលបានទូទាត់ប្រាក់អតីតភាពការងារជូនអតីតបុគ្គលិកនៃសណ្ឋាគារនេះបានចំនួន១២០នាក់ ខណៈជាង ៣០នាក់ទៀត មិនទាន់ទទួលបានដោយសារមានបញ្ហាផ្សេងៗគ្នា។
អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ហេង សួរ អះអាងថា ពេលនេះមានកញ្ចប់ថវិកាគ្រប់ចំនួនហើយគឺ ៣២ម៉ឺនដុល្លារអាមេរិក សម្រាប់ផ្តល់ជាប្រាក់សំណងដល់អតីតបុគ្គលិកសណ្ឋាគារ The Great Duke បន្ទាប់ពីមានការតវ៉ារយៈពេលកន្លះឆ្នាំមកនេះ។
តំណាងអតីតបុគ្គលិកសណ្ឋាគារ The Great Duke អះអាងថា ក្រសួងការងារសន្យាទូទាត់ប្រាក់អតីតភាពការងារជូនពួកគេជាង ១៥០នាក់ នៅចុងសប្តាហ៍នេះ ដើម្បីបញ្ចប់ជម្លោះ។
រដ្ឋាភិបាលបានចាប់ផ្តើមដំណើរការផ្តល់ប្រាក់ឧបត្ថម្ភដល់កម្មករ-កម្មការិនី និងបុគ្គលិកក្នុងវិស័យសេវាកម្មដែលព្យួរការងារក្នុងជុំទី១ ខណៈដែលកម្មករមួយចំនួនបានត្អូញត្អែរពីការខ្វះខាតលើការចំណាយ ក្រោយពួកគេត្រូវបានព្យួរការងារដោយមិនទទួលបានប្រាក់ឧបត្ថម្ភ ៤០ដុល្លារពីរដ្ឋាភិបាលភ្លាមៗ។
កម្មករ-កម្មការិនីជិត ១ពាន់នាក់ បម្រើការងារនៅរោងចក្រចំនួន ២កន្លែង ស្ថិតក្នុងខណ្ឌពោធិ៍សែនជ័យ រាជធានីភ្នំពេញ បានផ្ទុះការតវ៉ាជាថ្មី បន្ទាប់ពីថៅកែបើកប្រាក់ឈ្នួលឱ្យពួកគេតែចន្លោះពី១២ ទៅ៣០ដុល្លារ ហើយការបើកឱ្យនោះគឺមានការយឺតយ៉ាវ។
កម្មករ-កម្មការិនីមួយចំនួនដែលកំពុងស្ថិតក្នុងដំណាក់កាលព្យួរការងារ បានត្អូញត្អែរពីការខ្វះខាតលើការចំណាយ ខណៈដែលប្រាក់ ៤០ដុល្លាររបស់រដ្ឋាភិបាលដែលសន្យាផ្តល់ឱ្យកម្មករអំឡុងពេលព្យួរការងារនោះ ក៏ពួកគេមិនទាន់ទទួលបាននៅឡើយ។
តំណាងអតីតបុគ្គលិកសណ្ឋាគារ The Great Duke នាំគ្នាជិត ១០០នាក់ ប្រមូលផ្តុំតវ៉ានៅមុខសណ្ឋាគារ ទាមទារឱ្យពន្លឿនការទូទាត់ប្រាក់អតីតភាពការងារជូនពួកគេជាង ១៥០នាក់ ដើម្បីបញ្ចប់ជម្លោះ។
តំណាងអតីតបុគ្គលិកសណ្ឋាគារ The Great Duke បានឱ្យដឹងថា ពួកគេគ្រោងធ្វើបាតុកម្មជាថ្មីម្តងទៀតនៅថ្ងៃស្អែកនេះ និងគ្រោងប្ដឹងទៅតុលាការ បន្ទាប់ពីថៅកែមិនគោរពទៅតាមសេចក្តីបង្គាប់របស់ក្រុមប្រឹក្សាអាជ្ញាកណ្តាលកាលពីជាង ៥ខែមុន។
កម្មករ-កម្មការិនីរោងចក្រមួយនៅសួនឧស្សាហកម្មកាណាឌីយ៉ា ខណ្ឌពោធិ៍សែនជ័យ រាជធានីភ្នំពេញ នៅថ្ងៃនេះ បាននាំគ្នាតវ៉ាបិទផ្លូវចូលសួនមួយនេះរយៈពេល ៤ម៉ោង ដើម្បីទាមទារទៅម្ចាស់សួនឱ្យមានការអនុញ្ញាតដឹកអីវ៉ាន់ដែលលក់ឡាយឡុងចេញពីក្រុមហ៊ុន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
