ក្រសួងសុខាភិបាលអំពាវនាវដល់អ្នកដែលត្រូវធ្វើដំណើរទៅប្រទេសដែលមានការឆ្លងមេរោគជំងឺគ្រុនលឿងត្រូវចាក់វ៉ាក់សាំងការពារជំងឺនេះឲ្យបាន១ខែមុនធ្វើដំណើរ ហើយក្រសួងក៏តម្រូវឲ្យអ្នកធ្វើដំណើរពីប្រទេសទាំងនោះបង្ហាញភស្តុតាងបញ្ជាក់ពីការចាក់ថ្នាំបង្ការជំងឺនេះផងដែរ។
គណៈរដ្ឋមន្រ្តីបានអនុម័តលើសេចក្តីព្រាងអនុក្រឹត្យស្តីពីវិធានការហាមការជក់ឬការបង្ហុយផ្សែងផលិតផលថ្នាំជក់នៅកន្លែងធ្វើការឬកន្លែងសាធារណៈ ដែលអនុក្រឹត្យនេះនឹងអនុញ្ញាតឲ្យផាកពិន័យអ្នកជក់បារីនៅកន្លែងហាមឃាត់ចំនួន២ម៉ឺនរៀល។នៅព្រឹកថ្ងៃសុក្រនេះ គណៈរដ្ឋមន្រ្តីបានបើកកិច្ចប្រជុំពិនិត្យមើលសេចក្តីព្រាងអនុក្រឹត្យនេះ ក្រោមអធិបតីភាពរបស់លោកនាយករដ្ឋមន្រ្តី ហ៊ុន សែន។ អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បានសរសេរនៅលើហ្វេសប៊ុករបស់លោកថាគណៈរដ្ឋមន្រ្តីបានសម្រេចអនុម័តលើសេចក្តីព្រាងអនុក្រឹត្យនេះ។
មន្រ្តីជំនាញឲ្យដឹងថាលទ្ធផលនៃការពិនិត្យឈាមរកមេរោគអេដស៍នៅភូមិពាម ឃុំសំបូរមាស ស្រុកមុខកំពូល ខេត្តកណ្តាល បង្ហាញថាអ្នកផ្ទុកមេរោគមានចំនួន១៦នាក់ តែថានេះមិនមែនជាការផ្ទុះមេរោគអេដស៍ដូចការចុះផ្សាយលើបណ្តាញសារព័ត៌មាននោះទេ។
ក្រសួងសុខាភិបាលនិងអង្គការអន្តរជាតិខាងផ្នែកសុខភាពឲ្យដឹងថាមនុស្ស៤នាក់ប៉ុណ្ណោះដែលត្រូវបានរកឃើញថាឆ្លងមេរោគអេដស៍នៅឃុំសំបួរមាស ស្រុកមុខកំពូល ខេត្តកណ្តាល ដោយចាត់ទុកថានេះមិនមែនជាការឆ្លងរាលដាល់ធំនៃមេរោគអេដស៍ ដូចព័ត៌មានដែលថាមនុស្ស១៤នាក់ត្រូវរកឃើញថាផ្ទុកមេរោគអេដស៍។
មន្ត្រីជំនាញរបស់រដ្ឋាភិបាលអះអាងថា អ្នកផ្ទុកមេរោគអេដស៍នៅឃុំសំបូរមាស ស្រុកមុខកំពូល ខេត្តកណ្តាលបានរកឃើញថា មានចំនួន១៨នាក់ហើយគិតត្រឹមថ្ងៃចន្ទនេះ។ នៅព្រឹកថ្ងៃទី២២ ខែកុម្ភៈនេះ ពលរដ្ឋរាប់សិបនាក់ រួមទាំងកុមារផងបានបន្តធ្វើដំណើរទៅពិនិត្យឈាម នៅមណ្ឌលសុខភាពក្នុងភូមិពាម ឃុំសំបូរមាស ស្រុកមុខកំពូល ដោយពួកគេថា ដើម្បីចង់ដឹងថា តើពួកគេមានផ្ទុកមេរោគអេដស៍ឬក៏អត់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
