ការផ្ដល់ប្រាក់បៀវត្សតិចតួចដល់គ្រូបង្រៀន ជាកត្តាឱ្យពួកគាត់ខ្វះឆន្ទៈ និងទឹកចិត្តបង្រៀនឱ្យបានគ្រប់គ្រាន់ ហើយកំពុងធ្វើឱ្យវិស័យអប់រំពុទ្ធចក្រដើរថយក្រោយ ខណៈពេលសាលាពុទ្ធិកបឋមសិក្សា និងអនុវិទ្យាល័យ បានបិទទ្វារជាបន្តបន្ទាប់។
នៅក្នុងរបាយការណ៍មួយស្ដីពីសេរីភាពសាសនាអន្ដរជាតិ ឆ្នាំ២០២១ បានលើកឡើងពីការបំបិទសិទ្ធិសេរីភាពរបស់ព្រះសង្ឃក្នុងសកម្មភាពនយោបាយនៅកម្ពុជា ខណៈកាលពីខែធ្នូ រដ្ឋាភិបាលបានចេញសេចក្ដីព្រាងច្បាប់ស្ដីពីសាសនា រឹតត្បិតព្រះសង្ឃមិនឱ្យចូលរួមតវ៉ានយោបាយប្រឆាំងគណបក្សណាមួយ ដែលអាចប្រឈមការផ្ដន្ទាទោសដាក់ពន្ធនាគារថែមទៀតផង។
ព្រះសង្ឃមួយអង្គដែលភៀសព្រះកាយចេញពីប្រទេសថៃកាលពីខែមុន ព្រះនាម បូរ បេត ដែលតែងតែរិះគន់រដ្ឋាភិបាលកម្ពុជា បានលើកឡើងថា ប្រពៃណីនៃការតស៊ូមតិនិងការតវ៉ាក្នុងចំណោមព្រះសង្ឃ គឺមានតាំងពីយូរលង់ណាស់មកហើយ។
ក្រុមអង្គការសង្គមស៊ីវិល ចាត់ទុកការដែលរដ្ឋាភិបាលព្យាយាមធ្វើច្បាប់ដើម្បីកាត់ទោសព្រះសង្ឃដែលចូលរួមគាំទ្រសកម្មភាពនយោបាយ ថាជាការរំលោភសិទ្ធិដែលត្រូវបានការពារដោយច្បាប់ ហើយរារាំងដល់ការចូលរួមជំរុញដំណើរការប្រជាធិបតេយ្យនៅកម្ពុជា។
ក្រសួងធម្មការនិងសាសនាឲ្យដឹងថាក្រុមហ៊ុនណាហ្គាវើលចាប់ផ្តើមជួសជុលរបងនិងគ្រោងនឹងសាងសង់ក្លោងទ្វារពុទ្ធសាសនបណ្ឌិត្យឡើងវិញតាមកិច្ចសន្យា ខណៈបណ្តាញព្រះសង្ឃតវ៉ានៅព្រឹកថ្ងៃសុក្រនេះឲ្យមានការសាងសង់របងជាថ្មី។ក្នុងលិខិតជូនដំណឹងមួយចុះថ្ងៃទី២៤ ខែមីនា ក្រសួងធម្មការបានបញ្ជាក់ថារបងនិងក្លោងទ្វារពុទ្ធសាសនបណ្ឌិត្យប៉ែកខាងជើងដែលត្រូវបានរុះរើទាំងស្រុងនោះ ពេលនេះក្រុមហ៊ុនកំពុងជួសជុលហើយក្រុមហ៊ុនណាហ្គាវើលក៏កំពុងពិភាក្សាជាមួយក្រុមហ៊ុនសាងសង់ជំនាញដើម្បីសាងសង់ក្លោងទ្វារតាមរចនាបទដើមទាំងស្រុងផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
