ខណៈប្រទេសមីយ៉ាន់ម៉ាជួបប្រទះបញ្ហាអសន្ដិសុខ ប្រទេសចិនបាននិងកំពុងខិតខំប្រឹងប្រែងនិងឆ្លៀតយកឱកាសនេះ ដើម្បីទទួលបានឥទ្ធិពលកាន់តែខ្លាំងឡើងលើប្រទេសដែលស្ថិតនៅក្នុងភាពចលាចលមួយនេះ។
ស្ថាប័នសិទ្ធិមនុស្សកំពូលរបស់អង្គការសហប្រជាជាតិ កាលពីថ្ងៃម្សិលមិញនេះ បានឯកភាពថា នឹងបញ្ជូនមន្ត្រីអន្តរជាតិទៅស៊ើបអង្កេតលើការកាប់សម្លាប់ ការរំលោភបំពានផ្លូវភេទ និងការធ្វើទារុណកម្មពីសំណាក់កងកម្លាំងសន្តិសុខភូមា ទៅលើជនជាតិភាគតិចមូស្លីមរ៉ូហ៊ីងយ៉ា នៅរដ្ឋរ៉ាក់ឃីន
ប្រទេសចិន ដែលគាំទ្រដោយរុស្ស៊ី បានរាំងខ្ទប់សេចក្ដីថ្លែងការណ៍របស់ក្រុមប្រឹក្សាសន្តិសុខអង្គការសហប្រជាជាតិស្ដីពីប្រទេសភូមា កាលពីថ្ងៃម្សិលមិញនេះ បន្ទាប់ពីស្ថាប័នដែលមានប្រទេស១៥ជាសមាជិកនេះ បានជួបពិភាក្សាគ្នាអំពីស្ថានការណ៍នៅរដ្ឋរ៉ាក់ឃីន ជាទីដែលយោធាភូមាកំពុងតែធ្វើប្រតិបត្តិការខាងសន្តិសុខ
ព្រះសង្ឃភូមាមួយអង្គដែលល្បីល្បាញខាងទេសនាប្រឆាំងនឹងជនមូស្លីម ត្រូវបានគណៈគ្រប់គ្រងសង្ឃប្រទេសនេះ ហាមឃាត់មិនឲ្យសម្ដែងធម៌ទេសនារយៈពេលមួយឆ្នាំ ដែលនេះប្រៀបបីដូចទៅនឹងការទះកំផ្លៀងនៅលើបុរសម្នាក់ ដែលតែងតែជំរុញឲ្យមានភាពតានតឹងផ្នែកសាសនានៅក្នុងប្រទេស។
នាយករដ្ឋមន្ត្រីម៉ាឡេស៊ី លោក ណាជីប រ៉ាហ្សាក់ នៅថ្ងៃនេះ បានផ្ញើសារធ្ងន់ៗទៅកាន់មេដឹកនាំភូមា អ្នកស្រី អ៊ុងសាន ស៊ូជី និងរដ្ឋាភិបាលរបស់អ្នកស្រី ចំពោះការធ្វើទុក្ខបុកម្នេញទៅលើជនជាតិភាគតិចមូស្លីមរ៉ូហ៊ីងយ៉ា។
ប្រទេសម៉ាឡេស៊ី នៅថ្ងៃនេះ បន្តលើកយកបញ្ហាជនជាតិរ៉ូហ៊ីងយ៉ា ដែលនាំឲ្យម៉ាឡេស៊ីនៅតែជាប្រទេសនាំមុខគេ ក្នុងការរិះគន់ទៅលើប្រទេសភូមា ចំពោះអំពើហិង្សាទៅលើជនជាតិភាគតិចមូស្លីមរ៉ូហ៊ីងយ៉ា នៅរដ្ឋរ៉ាក់ឃីន
អាជ្ញាធរឥណ្ឌូនេស៊ី បានចាប់ខ្លួនជនសង្ស័យជាជនសកម្មប្រយុទ្ធអ៊ីស្លាមម្នាក់ និងរឹបអូសបានសម្ភារៈផលិតគ្រាប់បែកក្នុងបរិមាណដ៏ធំមួយ ដែលជនសង្ស័យរូបនោះមានផែនការប្រើប្រាស់សម្រាប់វាយប្រហារទៅលើអគាររដ្ឋាភិបាល និងស្ថានទូតភូមានៅឥណ្ឌូនេស៊ីនៅខែក្រោយ។
ក្រុមបាតុករមូស្លីមពោរពេញទៅដោយកំហឹង បានចុះផ្លូវតវ៉ានៅតាមបណ្ដាទីក្រុងនានា ចាប់ពីទីក្រុងហ្សាកាតាប្រទេសឥណ្ឌូណេស៊ី រហូតដល់ទីក្រុងដាកា ប្រទេសបង់ក្លាដែស ដើម្បីបរិហារចំពោះប្រទេសភូមា ជុំវិញការចោទថា បានសម្លាប់ និងរំលោភដោយមិនរើសមុខ ទៅលើជនមូស្លីមរ៉ូហ៊ីងយ៉ា នៅរដ្ឋរ៉ាក់ឃីន។
ទីប្រឹក្សារដ្ឋភូមា អ្នកស្រី អ៊ុងសាន ស៊ូជី បានថ្លែងថា សេដ្ឋកិច្ចភូមានឹងកើនឡើងដូចការរំពឹងទុកនោះឡើយ ចាប់តាំងពីរដ្ឋាភិបាលអ្នកស្រី ឡើងកាន់អំណាចកាលពីខែមីនាកន្លងមក ហើយអ្នកស្រី បានអំពាវនាវឲ្យមានកិច្ចសហការពីសហគមន៍ធុរកិច្ច។
រដ្ឋាភិបាលភូមា កាលពីថ្ងៃម្សិលមិញ បាននិយាយថា ក្រុមដែលយកលំនាំតាមក្រុមបះបោរអ៊ីស្លាម គឺជាអ្នកនៅពីក្រោយការវាយប្រហារទៅលើប៉ុស្តិ៍ប៉ូលិសនៅតាមព្រំដែន នៅរដ្ឋរ៉ាក់ឃីន ខណៈក្រុមមន្ត្រីនិយាយថា ពួកគេបារម្ភខ្លាចកើតមានការបះបោរជាថ្មីពីសំណាក់ក្រុមជនជាតិភាគតិចមូស្លីមរ៉ូហ៊ីងយ៉ា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
