ក្រុមបាតុករដែលពាក់ព័ន្ធនឹងជម្លោះដីធ្លីនៅជិតទីក្រុងហាណូយ បានដោះលែងមន្ត្រី ២០រូបចុងក្រោយ ដែលពួកគេបានចាប់ទុកជាចំណាប់ខ្មាំងអស់រយៈពេលជិត ១សប្ដាហ៍ ក្រោយពីដំណើរចូលសួរសុខទុក្ខរបស់មន្ត្រីជាន់ខ្ពស់ម្នាក់
ព័ត៌មានដាច់ដោយឡែកមួយទៀត បានឲ្យដឹងថា សមាគមសហព័ន្ធខ្មែរ-វៀតណាមនៅព្រះរាជាណាចក្រកម្ពុជា បានបដិសេធចំពោះការបង្ហោះសារប្រមាថមើលងាយព្រះមហាក្សត្រ និងគ្រួសាររាជវង្សខ្មែរ។ កាលពីពេលថ្មីៗនេះ ទំព័រហ្វេសប៊ុកដែលមានឈ្មោះថា សមាគមវៀតណាមនៅកម្ពុជា បានបង្ហោះសារមានលក្ខណៈប្រមាថជាបន្តបន្ទាប់ ដែលជំរុញឲ្យមានប្រតិកម្មយ៉ាងខ្លាំងពីប្រជាជនកម្ពុជា។
មន្ត្រីជាន់ខ្ពស់រដ្ឋាភិបាលវៀតណាមថ្លែងថា រដ្ឋាភិបាលកំពុងពិចារណាយ៉ាងប្រុងប្រយ័ត្ន ក្នុងការដំឡើងពន្ធដារ ដើម្បីដោះស្រាយបញ្ហាបំណុល និង ការចំណាយលើគម្រោងរបស់រដ្ឋ ដែលកំពុងដាក់សម្ពាធខ្លាំងលើសកម្មភាពរបស់រដ្ឋាភិបាល។
ជនជាប់ចោទ លោក នួន ជា ដែលជាអតីតប្រធានរដ្ឋសភានៃរបបកម្ពុជាប្រជាធិបតេយ្យនិងជាអនុលេខាបក្សកុម្មុយនីស្តកម្ពុជា បានលើកឡើងថាបងធំ ទី១ លោក ប៉ុល ពត បានចាត់ទុកវៀតណាម”ជាមិត្តមានទំនាស់” តែមិនបានញុះញង់ឲ្យស្អប់វៀតណាម”ស៊ូពូជ”នោះទេ។លោកបានលើកឡើងបែបនេះនៅក្នុងសវនាការជំនុំជម្រះសំណុំរឿង០០២/២ នៅព្រឹកថ្ងៃព្រហស្បតិ៍នេះ ជាការឆ្លើយតបនឹងសក្ខីកម្មរយៈពេល៣ថ្ងៃកន្លះរបស់អ្នកជំនាញបរទេសដែលបកស្រាយលើការសម្លាប់ជនជាតិចាមនិងវៀតណាម ។
រដ្ឋាភិបាលកម្ពុជាឲ្យដឹងថាអាជ្ញាធរវៀតណាមនឹងបញ្ជូនពលរដ្ឋខ្មែរចំនួន២៣នាក់មកកម្ពុជាវិញ ក្រោយពីរកឃើញថាពួកគេបានលក់ឆ្នោតខុសច្បាប់នៅក្នុងទីក្រុងហូជីមីញ។ នៅក្នុងសេចក្តីប្រកាសព័ត៌មានមួយចេញផ្សាយនៅថ្ងៃព្រហស្បតិ៍នេះ ក្រសួងការបរទេសកម្ពុជាបានបញ្ជាក់ថាស្ថានអគ្គកុងស៊ុលកម្ពុជាប្រចាំទីក្រុងហូជីមីញ ប្រទេសវៀតណាម បានសហការជាមួយ មន្ទីរសង្គមកិច្ចទីក្រុងហូជីមីញ រៀបចំមាតុភូមិនិវត្តន៍របស់ពលរដ្ឋខ្មែរចំនួន២៣នាក់ ដែលក្នុងនោះមានមនុស្សចាស់៧នាក់ ស្រ្ដីមានផ្ទៃពោះគ្រប់ខែ១នាក់និងកុមារ១៦នាក់។ ក្រសួងការបរទេសបញ្ជាក់ថាពួកគេបានចូលទៅប្រកបរបបលក់ឆ្នោតខុសច្បាប់នៅទីក្រុងហូជីមីញ។
ប្រធានរដ្ឋសភា លោក ហេង សំរិន បានបញ្ជូនលិខិតរបស់តំណាងរាស្រ្តគណបក្សសង្រ្គោះជាតិដែលសួរនាំរដ្ឋាភិបាលទាក់ទងនឹងដីសម្បទានសេដ្ឋកិច្ចក្នុងខេត្តរតនគិរី ដែលមានការចុះផ្សាយថាគ្រប់គ្រងដោយកងទ័ពប្រជាជនវៀតណាម។ លិខិតមួយច្បាប់ចុះថ្ងៃទី៩ ខែមិនា ដាក់ទៅលោកនាយករដ្ឋមន្រ្តី ហ៊ុន សែន ដោយមានការឯកភាពពីប្រធានរដ្ឋសភា ឲ្យដឹងថាតំណាងរាស្រ្តបក្សប្រឆាំង លោក អ៊ុំ សំអាន បានដាក់ជាសំណួរទៅរដ្ឋាភិបាលថាហេតុអ្វីបានជាកងទ័ពប្រជាជនវៀតណាមទទួលបានការគ្រប់គ្រងដីសម្បទានសេដ្ឋកិច្ចនៅខេត្តរតនគិរី? លោកសួរបន្តថាតើមានវត្តមានកងទ័ពប្រជាជនវៀតណាមនៅលើដីសម្បទានសេដ្ឋកិច្ចដែលគ្រប់គ្រងដោយកងទ័ពប្រជាជនវៀតណាមនៅខេត្តរតនគិរីឬទេ? តើរាជរដ្ឋាភិបាលមានគម្រោងដកហូតដីសម្បទានសេដ្ឋកិច្ចដែលគ្រប់គ្រងដោយកងទ័ពវៀតណាមនៅខេត្តរតនគិរីឬទេ?
អាជ្ញាធរវៀតណាមកំពុងបានរៀបចំផែនការដាក់ឲ្យមានក្រុមនគរបាលពិសេសេដើម្បីការពារសុវត្ថិភាពដល់ភ្ញៀវទេសចរត្រៀមទប់ស្កាត់នឹងបទល្មើសនានារួមទាំងការលួចប្លន់ជាដើម។
ក្រសួងយុត្តិធម៌កម្ពុជា-វៀតណាម កំពុងរៀបចំឲ្យមានកិច្ចព្រមព្រៀងផ្ទេរទណ្ឌិតរវាងប្រទេសទាំងពីរ ក្រោមហេតុផលថាដើម្បីបង្កភាពងាយស្រួលដល់ទណ្ឌិតឲ្យបានមកនៅក្នុងប្រទេសកំណើតនិងជិតក្រុមគ្រួសាររបស់ខ្លួន។ អ្នកនាំពាក្យក្រសួងយុត្តិធម៌ លោក ជិន ម៉ាលីន បានប្រាប់វីអូឌី(VOD)នៅព្រឹកនេះថាក្រសួងយុត្តិធម៌កម្ពុជានិងវៀតណាម គ្រោងជួបគ្នានៅចុងខែមីនាឬដើមខែមេសា ខាងមុខ ដើម្បីរៀបចំកិច្ចព្រមព្រៀងមួយទាក់ទងការផ្ទេរអ្នកទោសរវាងប្រទេសទាំងពីរ។
លោកនាយករដ្ឋមន្រ្តី ហ៊ុន សែន បានបញ្ជាឲ្យបន្តអនុវត្តពិនិត្យមើលជនបរទេសអន្តោប្រវែសន៍ដែលរស់នៅខុសច្បាប់នៅកម្ពុជា ដោយលោកថាវិធានការត្រូវតែធ្វើឡើងដោយម៉ឺងម៉ាត់និងអនុវត្តតាមច្បាប់ជាតិនិងអន្តរជាតិ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
