សកម្មជនបរិស្ថាននៅឯខេត្តកោះកុង បានឲ្យដឹងថា ក្រុមយុវជន ប្រជាសហគមន៍ និងបុគ្គលិកអង្គការសង្គមស៊ីវិលជិត ៣០០នាក់ នៅថ្ងៃនេះ ត្រូវបានអាជ្ញាធរខេត្តរារាំង មិនឲ្យរៀបចំពិធីបុណ្យរំលឹកព្រៃកោងកាងនោះឡើយ ដែលនេះវាផ្ទុយទៅនឹងការអំពាវនាវរបស់លោកនាយករដ្ឋមន្ត្រី ហ៊ុន សែន កាលពីឆ្នាំមុន
ឧត្ដមស្នងការអង្កការសហប្រជាជាតិទទួលបន្ទុកសិទ្ធិមនុស្ស OHCHR កាលពីថ្ងៃម្សិលមិញនេះ បានអំពាវនាវទៅអាជ្ញាធរកម្ពុជា ឲ្យដោះលែងសកម្មជនការពារសិទ្ធិមនុស្ស ៥រូប ដោយគ្មានការពន្យារពេល ក្រោយពីពួកគេជាប់ឃុំបណ្ដោះអាសន្នអស់រយៈពេល ១ឆ្នាំ
នាយិកាមជ្ឈមណ្ឌលសិទ្ធិកម្ពុជា អ្នកស្រី ចក់ សុភាព បានជំរុញទៅអាជ្ញាធរឲ្យស៊ើបអង្កេតឲ្យបានពេញលេញ និងដោយគ្មានការរើសអើង ទៅលើការចោទប្រកាន់ថា នាយករងវិទ្យុអាស៊ីសេរីផ្សាយជាភាសាខ្មែរ លោក ជុន ច័ន្ទបុត្រ បានបន្លំខ្លួនចូលក្នុងពន្ធនាគារ។ កាលពីថ្ងៃទី១៩ ខែមេសា លោក ហួត ឃីនវុទ្ធី ហៅ ជុន ច័ន្ទបុត្រ ត្រូវបានគេឃើញមានវត្តមានជាមួយតំណាងរាស្ត្រ ២រូបរបស់គណបក្សសង្គ្រោះជាតិ នៅពេលពួកគេចូលទៅសួរសុខទុក្ខសកម្មជនបក្សប្រឆាំងដែលកំពុងជាប់ឃុំនៅពន្ធនាគារព្រៃស
អនុប្រធានវិទ្យុអាស៊ីសេរី លោក ជុន ច័ន្ទបុត្រ បានឲ្យដឹងថា លោកនឹងអនុវត្តតាមមតិណែនាំរបស់មេធាវីតំណាងរបស់លោក ជុំវិញការកោះហៅរបស់តុលាការរាជធានីភ្នំពេញ។កាលពីថ្ងៃទី២១ ខែមេសានេះ ព្រះរាជអាជ្ញារងសាលាដំបូងរាជធានីភ្នំពេញ លោក សៀង សុខ បានចេញដីកាកោះហៅលោក ហួត ឃីនវុទ្ធី ហៅ ជុន ច័ន្ទបុត្រ ឲ្យចូលបំភ្លឺនៅព្រឹកថ្ងៃទី០២ ខែឧសភាខាងមុខនេះ ជុំវិញដំណើររឿងដែលត្រូវបានគេចោទថា បានផ្ដល់ព័ត៌មានភូតកុហកបន្លំខ្លួនចូលពន្ធនាគារ កាលពីថ្ងៃទី១៩ ខែមេសា
តុលាការកម្ពុជា បានសម្រេចចេញដីកាកោះហៅនាយករងវិទ្យុអាស៊ីសេរីផ្នែកភាសាខ្មែរ លោក ជុន ច័ន្ទបុត្រ និងតំណាងរាស្ត្របក្សប្រឆាំង២រូបទៀត ឲ្យចូលបំភ្លឺជាបន្តបន្ទាប់ ជុំវិញការចោទថា បានបន្លំខ្លួនចូលពន្ធធនាគារ កាលពេលថ្មីៗនេះ។
តុលាការខេត្តកំពង់ស្ពឺ កាលពីថ្ងៃម្សិលមិញនេះ បានកោះហៅស្ត្រីម្នាក់ ដែលត្រូវបានគេចោទថាបានប្រមាថមេដឹកនាំបក្សកាន់អំណាច ឲ្យចូលបំភ្លឺនៅស្នងការនគរបាលខេត្តនេះ ឲ្យបានមុនថ្ងៃទី០៨ ខែមិថុនា។ កាលពីពេលថ្មីៗនេះ វីដេអូមួយដែលត្រូវគេបង្ហោះនៅលើបណ្ដាញសង្គមហ្វេសប៊ុក បានបង្ហាញស្ត្រីម្នាក់បានយកស្បែកជើងគប់លើផ្ទាំងប៉ាណូរបស់គណបក្សប្រជាជនកម្ពុជាដែលភ្ជាប់ទៅដោយរូបថតលោកនាយករដ្ឋមន្ត្រី ហ៊ុន សែន និងប្រធានរដ្ឋសភា លោក ហេង សំរិន
អគ្គស្នងការនគរបាលជាតិកម្ពុជា លោក នេត សាវឿន ថ្មីៗនេះ បានសម្រេចបង្កើតក្រុមស៊ើបអង្កេតថ្មីមួយ ដើម្បីស្រាវជ្រាវទៅលើឃាតកម្មមេដឹកនាំសហជីព ៣រូប កាលពីជាង ១០ឆ្នាំមុន។ ក្នុងសេចក្ដីសម្រេចមួយកាលពីថ្ងៃទី២៧ ខែមីនាកន្លងមកនេះ អគ្គស្នងការនគរបាលជាតិកម្ពុជា លោក នេត សាវឿន បានសម្រេចចាត់តាំងមន្ត្រីនគរបាល ១១រូប ដែលដឹកនាំដោយស្នងការនគរបាលរាជធានីភ្នំពេញ លោក ជួន សុវណ្ណ ឲ្យស៊ើបអង្កេតទៅលើឃាតកម្មលើមេដឹកនាំសហជីព លោក ជា វិជ្ជា លោក ហ៊ី វុទ្ធី និងលោក រស់ វណ្ណារ៉េត។
ក្រុមសិទ្ធិមនុស្សអន្តរជាតិមួយ បានថ្កោលទោសចំពោះការសម្រេចឲ្យបន្តឃុំខ្លួនអគ្គលេខាធិការរងគ.ជ.ប. លោក នី ចរិយា និងសកម្មជនសិទ្ធិមនុស្ស ៤រូបទៀត ដោយចាត់ទុកថា ការបន្តឃុំខ្លួនសកម្មជនការពារសិទ្ធិមនុស្សទាំងនេះ ត្រូវបានធ្វើឡើងក្នុងបំណងដាក់ទណ្ឌកម្មទៅលើពួកគេ ដែលបានធ្វើសកម្មភាពការពារសិទ្ធិមនុស្សស្របច្បាប់ប៉ុណ្ណោះ
សកម្មជនការពារបរិស្ថាន ដែលត្រូវបានអាជ្ញាធរកម្ពុជាបណ្ដេញចេញពីប្រទេសកម្ពុជា លោក អាឡិចចាន់ដ្រូ ដាវិដសុន បានអះអាងថា ក្រុមហ៊ែកឃ័រ បានព្យាយាមលួចចូលក្នុងអ៊ីម៉ែលរបស់លោក។
នៅលើគណនីហ្វេសប៊ុករបស់ខ្លួន សកម្មជនការពារបរិស្ថានរូបនេះ បានរៀបរាប់ថា៖ “បន្ទាប់ពីមានការចោទសួរអំពីសកម្មភាពក្រុមហ៊ែកឃ័រដែលបានលួចយកគណនីហ្វេសប៊ុករបស់អ្នកតំណាងរាស្ត្រប៉ុន្មានសប្ដាហ៍មកនេះ ឥឡូវនេះ ពួកគេហាក់បីដូចជាកំពុងព្យាយាមលួចយកគណនី Gmail របស់ខ្ញុំផងដែរ”
ព្រះតេជគុណ ប៊ុត ប៊ុនតិញ បានចាត់ទុកដីកាកោះហៅព្រះអង្គជាលើកទី៣របស់តុលាការថា ជាការគំរាមកំហែងមិនឲ្យព្រះអង្គវិលត្រឡប់ចូលស្រុកវិញ ខណៈព្រះអង្គកំពុងស្ថិតក្នុងដំណើរនៅលើទឹកដីសហរដ្ឋអាមេរិក។ ក្នុងដីកាកោះកាលពីថ្ងៃម្សិលមិញនេះ ព្រះរាជអាជ្ញារងសាលាដំបូងរាជធានីភ្នំពេញ លោក ស្រី ម៉ាកនី បានបង្គាប់ទៅព្រះតេជគុណ ប៊ុត ប៊ុនតិញ ឲ្យនិមន្តចូលបំភ្លឺនៅតុលាការនៅព្រឹកថ្ងៃទី១៧ ខែមីនាសប្ដាហ៍ក្រោយនេះ ជុំវិញបណ្ដឹងបរិហាកេរ្តិ៍របស់លោក ម៉ម សូណង់ដូ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
