សកម្មជនដីធ្លីដែលតែងធ្វើយុទ្ធនាការអាវខ្មៅរៀងរាល់ថ្ងៃច័ន្ទដើម្បីទាមទារឱ្យមានការដោះលែងមន្ត្រីសិទ្ធិមនុស្ស មន្ត្រីគ.ជ.ប សកម្មជនដីធ្លី អ្នកស្រីទេព វន្នី និងរកយុត្តិធម៌សម្រាប់លោក កែម ឡី នោះ នឹងផ្អាកយុទ្ធនាការថ្ងៃចន្ទពណ៌ខ្មៅរបស់ពួកគេនៅថ្ងៃស្អែកនេះ។
ប្រជាពលរដ្ឋជិត ៤០នាក់ មកពីស្រុកកំពង់សៀម បានប្រមូលផ្ដុំគ្នាតវ៉ានៅមុខគេហដ្ឋានអភិបាលខេត្តកំពង់ចាម លោក លន់ លឹមថៃ កាលពីល្ងាចថ្ងៃម្សិលមិញនេះ ដើម្បីស្វែងរកដំណោះស្រាយសម្រាប់ផលប៉ះពាល់បណ្ដាលមកពីការសាងសង់បង្គោលភ្លើង នៅក្នុងឃុំសំបួមាស។ ប្រជាពលរដ្ឋមកពីស្រុកកំពង់សៀម អ្នកស្រី មិត្ត គឹមថា បានប្រាប់វីអូឌីកាលពីថ្ងៃម្សិលមិញថា រដ្ឋាភិបាលបានសង់បង្គោលភ្លើងបញ្ជូនថាមពលអគ្គិសនីនៅក្នុងស្រុកនេះ បានធ្វើឲ្យប៉ះពាល់ដល់ផ្ទះសម្បែង និងដីធ្លីរបស់ប្រជាពលរដ្ឋជាង ៥០គ្រួសារ។
ប្រជាពលរដ្ឋមួយចំនួននៅឃុំមួយក្នុងស្រុកអង្គរធំ ខេត្ដសៀមរាប ព្រួយបារម្ភ ខ្លាច អាជ្ញាធរយកស្នាមមេដៃរបស់ពួកគាត់ទៅប្រើប្រាស់ក្នុងរូបភាពផ្សេង ព្រោះទម្រង់លិខិតដែលឲ្យពលរដ្ឋផ្តិតមេដៃនោះមិនបានបញ្ជាក់មូលហេតុថា យកទៅធ្វើអ្វីទេ។
តំណាងគណបក្សសម្ព័ន្ធដើម្បីប្រជាធិបតេយ្យ បានឲ្យដឹងថា ក្រុមអ្នកគាំទ្រគណបក្សនេះ នៅតែបន្តការប្រមូលផ្ដុំតវ៉ានៅមុខស្នងការនគរបាលខេត្តកំពតរហូតមកដល់រសៀលថ្ងៃនេះ ដើម្បីទាមទារឲ្យដោះលែងសមាជិក១៣នាក់របស់ពួកគេ ដែលអាជ្ញាធរបានចាប់ខ្លួនកាលពីថ្ងៃទី៤ខែមករាម្សិលមិញ។
មន្ត្រីរដ្ឋាភិបាលកម្ពុជា បានអះអាងថា លោកនាយករដ្ឋមន្ត្រី ហ៊ុន សែន មិនបានលើកឡើងពីបញ្ហាជនជាតិរ៉ូហ៊ីងយ៉ានោះឡើយ នៅអំឡុងជំនួបរបស់លោកជាមួយប្រធានាធិបតីភូមា លោក ធិន ច (U Htin Kyaw) នៅថ្ងៃនេះ ដោយចាត់ទុកថា នោះគឺជាបញ្ហាផ្ទៃក្នុងរបស់ប្រទេសភូមា។លោក ធិន ច ប្រធានាធិបតីមីយ៉ាន់ម៉ា បានដឹកនាំគណៈប្រតិភូមកធ្វើទស្សនកិច្ចផ្លូវការនៅកម្ពុជា រយៈពេល ៤ ថ្ងៃ ចាប់ពីថ្ងៃទី ០៣ ខែ កុម្ភៈ រហូតដល់ថ្ងៃទី ០៦ ខែដដែលនេះ តាមការអញ្ជើញរបស់ព្រះមហាក្សត្រខ្មែរ
តំណាងសហគមន៍មានជម្លោះដីធ្លីនៅក្នុងរាជធានីភ្នំពេញ បានឲ្យដឹងថា ពួកគេគ្រោងនឹងបន្តយុទ្ធនាការថ្ងៃចន្ទពណ៌ខ្មៅនៅថ្ងៃស្អែកនេះ ជាយុទ្ធនាការដែលបានឈានដល់សប្ដាហ៍ទី ៣៧ហើយ ដើម្បីទាមទារឲ្យដោះលែងសកម្មជនការពារសិទ្ធិមនុស្ស ៤រូប មន្ត្រីរៀបចំការបោះឆ្នោតមួយរូប និងសកម្មជនដីធ្លីមួយរូប។
សកម្មជនបក្សប្រឆាំង លោក ឌិន ពុទ្ធី ត្រូវបានដោះលែងពីពន្ធនាគារវិញនៅព្រឹកថ្ងៃនេះ មួយថ្ងៃក្រោយពីសាលាឧទ្ធរណ៍សម្រេចឲ្យលោកស្ថិតនៅក្រៅឃុំបណ្ដោះអាសន្ន កាលពីថ្ងៃម្សិលមិញ។ លោក ឌិន ពុទ្ធី ត្រូវបានសមត្ថកិច្ចចាប់ខ្លួនកាលពីថ្ងៃទី២២ ខែធ្នូឆ្នាំមុន ជុំវិញការចោទថា លោកបានបើករថយន្តបុកមន្ត្រីនគរបាលព្រំដែន លោក ឈាន ពិសិដ្ឋ។ ប៉ុន្តែ សាលាឧទ្ធរណ៍បានសម្រេចដោះលែងលោកឲ្យនៅក្រៅឃុំជាបណ្ដោះអាសន្នកាលពីថ្ងៃម្សិលមិញនេះ។
ក្រុមអង្គការសង្គមស៊ីវិលចំនួន ៧ស្ថាប័ន បានបង្ហាញការមិនពេញចិត្តចំពោះការយាយី និងការរារាំងក្រុមការងារសិទ្ធិមនុស្ស នៅឯខេត្តពោធិ៍សាត់។ ក្រុមការងារផលិតវីដេអូទាក់ទងនឹងជម្លោះដីធ្លីចំនួន ៤នាក់ ក្នុងនោះមានទាំងបុគ្គលិកមជ្ឈមណ្ឌលសិទ្ធិមនុស្សកម្ពុជាម្នាក់ផងដែរ ត្រូវបានមន្ត្រីបរិស្ថាននៅស្រុកវាលវែង ឃាត់ដំណើរនៅម៉ោងប្រហែល ១០កន្លះព្រឹក កាលពីថ្ងៃម្សិលមិញនេះ នៅក្នុងភូមិថ្មី ឃុំថ្មដា ខណៈពួកគេធ្វើដំណើរវិលត្រឡប់ពីផលិតវីដេអូឯកសារស្ដីពីជម្លោះដីធ្លីនៅតំបន់នោះ។
ក្រុមអង្គការសង្គមស៊ីវិលចំនួន ៦១ស្ថាប័ន បានចេញសេចក្ដីថ្លែងការណ៍រួមមួយ ដោយបានស្នើឡើងនូវ ១០ចំណុច ដាក់ទៅរដ្ឋាភិបាលកម្ពុជា ដើម្បីលើកកម្ពស់សេរីភាពនៃការបញ្ចេញមតិ និងការជួបជុំ។
ក្នុងសេចក្ដីថ្លែងការណ៍កាលពីថ្ងៃម្សិលមិញនេះ ក្រុមសម្ព័ន្ធអង្គការសង្គមស៊ីវិល ដែលមានទាំងអង្គការធ្វើការលើផ្នែកសិទ្ធិមនុស្ស សិទ្ធិកម្មករ និងសិទ្ធិកុមារជាដើម បានលើកឡើងថា ក្រុមអង្គការសង្គមស៊ីវិល ទទួលស្គាល់កិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុងវិស័យអភិវឌ្ឍន៍ជាច្រើន។
ក្រុមអ្នករៀបចំវេទិកាជួបជុំមិត្ត១០ធ្នូ នៅព្រឹកថ្ងៃសៅរ៍នេះ បានប្តូរទីតំាងជួបជុំគ្នាសម្តែងមតិ ទៅទីលានប្រជាធិបតេយ្យវិញ ខណៈអាជ្ញាធររំាងពួកគេមិនឲ្យជួបជុំគ្នានៅក្បែរវត្តភ្នំនោះទេ ដោយថា ខ្លាចប៉ះពាល់សណ្តាប់ធ្នាប់សាធារណៈ។ ក្រុមមិត្ត១០ធ្នូថា ការរារំាងនេះ ធ្វើឡើងបន្ទាប់ពួកគេដាក់លិខិតបន្តបន្ទាប់ទៅសាលារាជធានីភ្នំពេញ ជាពិសេសថ្ងៃសុក្រម្សិលមិញ ដើម្បីសុំទីតំាងច្រើនកន្លែងនៅរាជធានីភ្នំពេញ ដើម្បីប្រារព្ធទិវាសិទ្ធិមនុស្សមិត្ត១០ធ្នូនេះ ប៉ុន្តែត្រូវបានសាលារាជធានីភ្នំពេញបដិសេធមិនឲ្យធ្វើពិធីនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
