លោក ហ៊ុន សែន ថាការបើកប្រាក់ខែតាមធនាគារជាការប្រយុទ្ធប្រឆាំងនឹងអំពើពុករលួយ
លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថារដ្ឋាភិបាលបានសម្រេចប្រើប្រាស់បច្ចេកវិទ្យាក្នុងការប្រយុទ្ធប្រឆាំងនឹងអំពើពុករលួយ ដោយលោកបានលើកឡើងករណីបើកប្រាក់ខែមន្រ្តីរាជការតាមធនាគារ ជាចំណាត់ការមួយលុបបំបាត់”មន្រ្តីខ្មោចបើកប្រាក់ខែ”។ ក្នុងពិធីចែកសញ្ញាបត្រដល់គ្រូបញ្ចប់ការសិក្សាគរុកោសល្យដែលធ្វើឡើងនៅវិទ្យាស្ថានជាតិអប់រំ លោក ហ៊ុន សែន បានលើកឡើងពីករណីមន្រ្តីខ្មោចដែលលោកថាមិនចេះមកបើកប្រាក់ខែនោះទេ។ លោកលើកឡើងករណីផ្សេងទៀតដូចជាមន្រ្តីពន្ធកាត់កងប្រាក់ផ្ទាល់ជាមួយអ្នកបង់ពន្ធ ដែលលោកថានេះអាចនាំឲ្យមានការប្រព្រឹត្តអំពើពុករលួយ។