បុគ្គលិកសុខាភិបាលនៃមន្ទីរពេទ្យបង្អែកក្រុងប៉ោយប៉ែត បានចោទប្រកាន់ប្រធានមន្ទីរពេទ្យនេះ ថាបានប្រព្រឹត្តអំពើពុករលួយ តាមរយៈការបង្កើតបញ្ជីឈ្មោះខ្មោច ដើម្បីទទួលបានលុយពីប្រតិបត្តិការប្រយុទ្ធប្រឆាំងជំងឺកូវីដ-១៩។
ប្រធានក្រុមហ៊ុនមួយបានប្ដឹងមន្ត្រីរដ្ឋបាលខេត្តបន្ទាយមានជ័យ ទៅអង្គភាពប្រឆាំងអំពើពុករលួយ (ACU) ពាក់ព័ន្ធរឿងពុករលួយជុំវិញការដេញថ្លៃលើគម្រោងវិនិយោគមូលនិធិថវិកាឃុំ-សង្កាត់សម្រាប់ឆ្នាំ២០២១។
អង្គភាពប្រឆាំងអំពើពុករលួយច្រានចោលការលើកឡើងថា អង្គភាពនេះឃាត់ខ្លួនមេឃុំម្នាក់របស់គណបក្សសម រង្ស៊ី ក្នុងខេត្តកំពង់ចាម ទៅតាមលិខិតចំហរ៤ទំព័ររបស់កញ្ញា ខុម ចាន់តារ៉ាទី ហៅស្រីមុំ ដោយអង្គភាពនេះអះអាងថា ការឃាត់ខ្លួនធ្វើឡើយងដោយយោងតាមចម្លើយរបស់មេឃុំរូបនេះប៉ុណ្ណោះ។ កាលពីថ្ងៃអាទិត្យម្សិលមិញ មេឃុំស្រក លោក ស៊ាង ចែត ត្រូវបានរាយការណ៍ថាត្រូវមន្ត្រីនគរបាលយុត្តិធម៌របស់អង្គភាពប្រឆាំងអំពើពុករលួយឃាត់ខ្លួននៅសាលាស្រុកកំពង់សៀម ខេត្តកំពង់ចាម។
ក្រសួងការបរទេសបញ្ជូនមន្ត្រីមួយរូបរបស់ខ្លួនគឺលោក ហុង បញ្ញារិទ្ធ ដែលត្រូវជាកូនប្រសារលោក សុខ អាន រដ្ឋមន្ត្រីទទួឡបន្ទុកទីស្ដីការគណៈរដ្ឋមន្ត្រី ឲ្យទៅកាន់ការងារការទូតនៅប្រទេសកូរ៉េខាងត្បូងបណ្ដោះអាសន្ន ជំនួសអតីតឯកអគ្គរាជទូតលោក ស៊ុត ឌីណា ដែលត្រូវបានឃុំខ្លួនកាលពីដើមសប្ដាហ៍នេះ ដោយត្រូវចោទប្រកាន់ពីបទពុករលួយ។
ភ្នំពេញសម្រេចបញ្ជូនឯកអគ្គរាជទូតកម្ពុជាប្រចាំប្រទេសកូរ៉េខាងត្បូងលោក ស៊ុត ឌីណា ទៅឃុំខ្លួនបណ្ដោះអាសន្ន បន្ទាប់ពីបានសាកសួរអស់រយៈពេល១ថ្ងៃពេញ។ នៅព្រឹកថ្ងៃព្រហស្បតិ៍នេះ លោក ស៊ុត ឌីណា ត្រូវបានអង្គភាពប្រឆាំងអំពើពុករលួយបញ្ជូនខ្លួនទៅកាន់សាលាដំបូងរាជធានីភ្នំពេញ បន្ទាប់ពីអង្គភាពបានឃាត់ខ្លួនរូបលោកអស់រយៈពេល៣ថ្ងៃ។ លោកត្រូវបានបញ្ជូនខ្លួនចេញពីសាលាដំបូងរាជធានីភ្នំពេញនៅម៉ោងប្រមាណ៧ល្ងាចនេះ។
អង្គភាពប្រឆាំងអំពើពុករលួយលោក ឱម យ៉ិនទៀង ប្រកាសទទួលយកបណ្ដឹងរបស់ក្រុមយុវជនដែលបានប្ដឹងប្រធានស្ដីទីគណបក្សសង្គ្រោះជាតិលោក កឹម សុខា ថាបានផ្ដល់លុយឲ្យស្រីស្នេហ៍ទិញផ្ទះនិងដី ហើយអាចជាប់ពាក់ព័ន្ធនឹងអំពើពុករលួយ ដោយអង្គភាពនឹងតម្រូវឲ្យលោក កឹម សុខា ប្រកាសទ្រព្យសម្បត្តិម្ដងទៀត។
ប្រធានអង្គភាពប្រឆាំងអំពើពុករលួយលោក ឱម យ៉ិនទៀង ប្រកាសថា អង្គភាពនឹងធ្វើកោសលវិច័យសំឡេងខ្សែអាត់ដែលត្រូវគេអះអាងថាជាសំឡេងសារសងគ្នារវាងលោក កឹម សុខា ជាមួយនារីកំណាន់ចិត្ត ដោយលោកថា ក្រោយបានលទ្ធផល អង្គភាពនឹងប្រជុំពិភាក្សាម្ដងទៀតនៅថ្ងៃព្រហស្បតិ៍ដើម្បីសម្រេចថាត្រូវចាត់ការឬមិនចាត់ពាក្យបណ្ដឹងរបស់យុវជនមួយក្រុមប្រឆាំងលោក កឹម សុខា។
អង្គភាពប្រឆាំងអំពើពុករលួយនឹងបើកប្រជុំមួយនៅថ្ងៃអង្គារស្អែកនេះ ដើម្បីវិភាគទៅលើពាក្យបណ្ដឹងរបស់យុវជនមួយក្រុមដែលបានប្ដឹងប្រធានស្តីទីគណបក្សសង្រ្គោះជាតិ លោក កឹម សុខា ដោយពួកគេចោទថាបានផ្ដល់លុយឲ្យនារីម្នាក់ទិញផ្ទះនិងដី។ ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង ប្រាប់វីអូឌីនៅថ្ងៃចន្ទនេះថាលោកបានទទួលពាក្យបណ្តឹងរបស់ក្រុមយុវជនតាំងពីថ្ងៃសុក្រសប្ដាហ៍មុន។ លោកបន្តថាអង្គភាពប្រឆាំងអំពើពុករលួយនឹងបើកកិច្ចប្រជុំមួយនៅព្រឹកថ្ងៃអង្គារ ថាត្រូវចាត់ការឬយ៉ាងណា។ លោកមានប្រសាសន៍ថា៖ “ថ្ងៃអង្គារម៉ោង ៩ព្រឹក យើងនឹងប្រជុំដោះស្រាយ យើងនិងអញ្ចើញម្ចាស់ប្ដឹងមកស្ដាប់ការវិភាគរបស់យើង ហើយអ្នកសារព័ត៌មានក៏អាចចូលស្ដាប់បានដែរ”។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
