ក្រុមហ៊ុន​ Royal Railway កំពុង​សិក្សាគម្រោង​ឲ្យមាន​ខ្សែរថភ្លើងពីកណ្តាលក្រុងទៅ​អាកាសយានដ្ឋាន

ក្រុមហ៊ុន Royal Railway កំពុងសិក្សាពីគម្រោងដាក់ឲ្យដំណើការរថភ្លើងមួយខ្សែពីកណ្តាលទីក្រុងភ្នំពេញទៅកាន់អាកាសយានដ្ឋានអន្តរជាតិភ្នំពេញដោយត្រូវចំណាយពេលធ្វើដំណើមិនលើសពី២០នាទី។

នាយកប្រតិបត្តិក្រុមហ៊ុន Royal Railway លោក Jonh Guiry ប្រាប់វីអូឌី តាមទូរស័ព្ទនៅរសៀលនេះថា គម្រោងនេះកំពុងស្ថិតក្នុងការពិភាក្សាគ្នានៅឡើយ ហើយលោកថាបើអាចគម្រោងនេះនឹងលេចជារូបរាងនៅដើមឆ្នាំ២០១៧។

លោកឲ្យដឹងដែរថា បើតាមអ្វីដែលកំពុងពិភាក្សានេះ រយៈពេលនៃការធ្វើដំណើរតាមរថភ្លើងនេះអាចមានរយៈពេលពី១៥ ទៅ២០នាទី។ លោកថានៅពេលដែលគម្រោងនេះលេចជារូបរាងនឹងធ្វើឲ្យអ្នកគ្រប់គ្នាភ្ញាក់ផ្អើល ហើយលោកអះអាងថាគម្រោងនេះនឹងមិនប៉ះពាល់ដល់ប្រជាពលរដ្ឋនោះទេ។

លោក Jonh Guiry ថាព័ត៌មានលម្អិតទាក់ទងនឹងគម្រោងនេះអាចនឹងត្រូវរង់ចាំប្រហែលជា៦ទៅ៧សប្តាហ៍ទៀត។

ប្រធាននាយកដ្ឋានផ្លូវដែកនៃក្រសួងសាធារណការនឹងដឹកជញ្ជូន លោក ច័ន្ទ សំឡេងប្រាប់វីអូឌីថាគម្រោងដាក់ឲ្យមានដំណើរការខ្សែរថភ្លើងពីកណ្តាលក្រុងភ្នំពេញទៅអាកាសយានដ្ឋាននេះអាចនឹងកើតមាននៅឆ្នាំ២០១៧។

គួរបញ្ជាក់ថា សាលារាជធានីភ្នំពេញធ្លាប់លើកឡើងថានឹងមានការក៏សាងផ្លូវអាកាសល្បឿនលឿនមួយចេញពីកណ្តាលក្រុងភ្នំពេញទៅអាកាសយានដ្ឋានអន្តរជាតិភ្នំពេញលើផ្លូវរថភ្លើងបច្ចុប្បន្ន ហើយគម្រោងនេះនឹងត្រូវចំណាយថវិការប្រមានជា៣៦០លានដុល្លារ។ ដោយមានការតវ៉ាជាបន្តបន្ទាប់ពីប្រជាពលរដ្ឋដែលរស់នៅតាមបណ្តោយផ្លូវរថភ្លើង លោកនាយករដ្ឋមន្ត្រី កាលពីថ្ងៃទី៥ ខែមេសា បានសម្រេចលុបចោលគម្រោងនេះវិញ ដោយថាជៀសវាងផលប៉ះពាល់ដល់ប្រជាពលរដ្ឋ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered