អន្តរជាតិ

អ៊ីម៉ាំអ៊ីស្លាមម្នាក់ និងជំនួយការត្រូវខ្មាន់កាំភ្លើងបាញ់សម្លាប់នៅទីក្រុងញូវយ៉ក

លោក ឌិត សុខធី
| ១៤ សីហា ២០១៦
ម៉ោង ១៤:២១

អ្នកដឹកនាំការប្រតិបត្តិនៃសាសនាអ៊ីស្លាមម្នាក់ និងជំនួយការរបស់គាត់ ត្រូវបានគេបាញ់សម្លាប់ ខណៈពេលពួកគេដើរនៅតាមផ្លូវ ក្នុងទីក្រុងញូវយ៉ក នៅថ្ងៃនេះ។

កាសែត BBC របស់អង់គ្លេស ដែលបានដកស្រង់សម្ដីប៉ូលិស បានផ្សាយថា អ្នកទាំងពីរត្រូវបានបុរសម្នាក់ដែលដើរតាមពីក្រោយ បាញ់ចំក្បាល។

អ៊ីម៉ាំ Maulama Akonjee អាយុ ៥៥ឆ្នាំ បានផ្លាស់ទៅរស់នៅទីក្រុងញូវយ៉ក កាលពី ២ឆ្នាំមុននោះ។

ប៉ូលិសនិយាយថា គេមិនទាន់អាចសន្និដ្ឋានបានថា អ្នកទាំងពីរ ត្រូវបានគេបាញ់សម្លាប់ដោយសារជំនឿពួកគេនោះទេ។

ខ្មាន់កាំភ្លើងម្នាក់ ត្រូវបានគេឃើញដើរចាកចេញពីកន្លែងបាញ់ប្រហារ នៅតំបន់ Ozone Park ប៉ុន្តែ ប៉ូលិសមិនទាន់ចាប់បាននរណាម្នាក់នៅឡើយទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។