យ៉ាងហោចណាស់មនុស្សចំនួន១២នាក់បានស្លាប់នៅក្នុងភាគខាងជើងនៃប្រទេសមីយ៉ាន់ម៉ា ក្នុងរដ្ឋរ៉ាក់ឃីន នៅពេលមានការប៉ះទង្គិចគ្នារវាងកងកម្លាំងប្រដាប់អាវុធនិងក្រុមអ្នកតវ៉ាដែលភាគច្រើនជាក្រុមជនជាតិដើមកាន់សាសនាមូស្លីម។
សេចក្តីរាយការណ៍បញ្ជាក់ថា ក្នុងហេតុការណ៍នោះ បណ្តាលឲ្យទាហាននិងអ្នកតវ៉ាសរុប១២ស្លាប់កាលពីថ្ងៃអង្គារម្សិលមិញ នៅពេលដែលកម្លាំងប្រដាប់អាវុធរាប់រយនាក់ បានប៉ះទង្គិចជាមួយអ្នកតវ៉ា ដែលមានដាវ និងលំពែងក្នុងការតទល់គ្នា។ ដាវនិងលំពែងជាច្រើនដែលគេទះឃើញក្រោយហេតុការណ៍ប៉ះទង្គិចគ្នានោះគឺប្រលាក់ទៅដោយឈាម។
ពេលនេះពួកយោធាកំពុងតែព្យាយាមចូលកាន់កាប់តំបន់ មួយដែលនៅមិនឆ្ងាយពីព្រំដែនជា មួយបង់ក្លាដេស បន្ទាប់ពីមន្ត្រីនគរបាលជំនួន៩នាក់ ត្រូវបានគេសម្លាប់កាលពីថ្ងៃអាទិត្យ។
ភាពចលាចលនៅក្នុងរដ្ឋរ៉ាឃីនបានផ្ទុះឡើងជាថ្មីនៅក្នុងរដ្ឋរ៉ាឃីនកាលពីឆ្នាំ២០១២ បានបណ្តាលឲ្យមនុស្សជាង១០០នាក់បានស្លាប់ ហើយពលរដ្ឋរាប់ម៉ីនាក់ទៀត ត្រូវជម្លៀសចេញទៅរកកន្លែងមានសុវត្ថិភាព៕
