យ៉ាងហោចណាស់អ្នកជំងឺចំនួន៦នាក់បានស្លាប់នៅក្នុងហេតុការណ៍ភ្លើងឆេះមន្ទីរពេទ្យ Johor Bahru នៅក្នុងខេត្តភាគខាងត្បូងនៃប្រទេសម៉ាឡេស៊ី។
របាយការណ៍របស់សមត្ថកិច្ចបង្ហាញថា ចំនួនអ្នកស្លាប់នោះមានស្ត្រី៤នាក់និងបុរសពីរនាក់។ សមត្ថកិច្ចរាយការណ៍ថា ភ្លើងចាប់ផ្តើមឆេះនៅម៉ោង៨និង៥២នាទីនៅព្រឹកថ្ងៃអង្គារនេះ។ នេះបើតាមការចុះផ្សាយរបស់ Channel News Asia។
ក្រុមអ្នកពន្លត់អគ្គិភ័យរាប់រយនាក់បានជួយពន្លត់និងសង្គ្រោះអ្នកដែលរងគ្រោះក្នុងហេតុការណ៍ភ្លើងឆេះនេះ។
នាយករដ្ឋមន្ត្រីម៉ាឡេស៊ីលោក ណា ជីបរ៉ាហ្សាក់ ថ្លែងថាក្រសួងសុខាភិបាលបានគ្រងគ្រងស្ថានការណ៍បានហើយ ហើយលោកក៏កំពុងតាមដានលើហេតុការណ៍នេះដែរ៕