ប្រធានាធិបតីរបស់អាមេរិកលោក ដូណល ត្រាំ ព្រមានកាលពីថ្ងៃអាទិត្យម្សិលមិញថា សហរដ្ឋអាមេរិកបានត្រៀមខ្លួនរួចរាល់ហើយ ក្នុងការចាត់វិធានការឯកតោភាគីក្នុងការដោះស្រាយបញ្ហាអាវុធនុយក្លេអ៊ែរបស់កូរ៉េខាងជើង ហើយអំពាវនាវឲ្យចិនជួយគាំទ្រ។
លោកត្រាំថ្លែងប្រាប់សារព័ត៌មាន Financial Times ថា អ្វីគ្រប់យ៉ាងនឹងបានផលល្អបើសិនជាមានការជួយឬមិនមានការរារាំងពីសំណាក់រដ្ឋាភិបាលចិន។
លោក ត្រាំ ថ្លែងថា លោកនឹងជួបជាមួយមេដឹកនាំចិន លោក ស៊ី ជីនពីង នៅថ្ងៃព្រហស្បតិ៍និងថ្ងៃសុក្រសប្តាហ៍នេះនៅសហរដ្ឋអាមេរិក ហើយឱកាសនោះនឹងមានការជជែកពីបញ្ហាអាវុធនុយក្លេអ៊ែរបស់កូរ៉េខាងជើង។
ភាពតានតឹងកាន់តែកើនឡើងខ្លាំង ខណៈកូរ៉េខាងជើងបានចាប់ផ្តើមអាវុធមីស៊ីលឆ្លងទ្វីប ហើយមេដឹកនាំកូរ៉េខាងជើងលោក គីម ជុងអ៊ុនបញ្ជាក់ថា ប្រទេសរបស់លោកបានត្រៀមអាវុធជាច្រើនទៀតសម្រាប់ការបាញ់សាកល្បង។
អាមេរិកកំពុងតែចេញមុខព្រមានកូរ៉េខាងជើង ចំពោះការៀបចំបាញ់សាកល្បងអាវុធនុយក្លេអ៊ែជាថ្មីទៀត។កូរ៉េងខាងជើងបានបាញ់សាកល្បងអាវុធនុយក្លេអ៊ែចំនួន៥ដងមកហើយគិតចាប់រយៈពេល២ឆ្នាំកន្លងទៅនេះ៕