អន្តរជាតិ

មន្ត្រីស៊ើបអង្កេតអំពើពុករលួយឥណ្ឌូនេស៊ីរងការវាយប្រហារដោយទឹកអាស៊ីដ

លោក ឌិត សុខធី
| ១២ មេសា ២០១៧
ម៉ោង ០៩:០១

អ្នកស៊ើបអង្កេតអំពើពុករលួយរបស់ប្រទេសឥណ្ឌូនេស៊ី បានរងការវាយប្រហារដោយទឹកអាស៊ីដលើផ្ទៃមុខពីសំណាក់បើកបរម៉ូតូមួយគ្រឿងកាលពីថ្ងៃម្សិលមិញនេះ ជាការវាយប្រហារមួយដែលត្រូវបានគេជឿថា មានជាប់ពាក់ព័ន្ធនឹងករណីអំពើពុករលួយទឹកប្រាក់ ១៧០លានដុល្លារ ដែលជាប់ពាក់ព័ន្ធដល់អ្នកនយោបាយជាន់ខ្ពស់។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។

លោក Novel Baswedan សមាជិកនៃគណៈកម្មការលុបបំបាត់អំពើពុករលួយ បានរងរបួសលើផ្ទៃមុខ ថ្ងាស និងភ្នែក។ លោក Johan Budi អ្នកនាំពាក្យប្រធានាធិបតី Joko Widodo ដែលបានទៅសួរសុខទុក្ខលោក Baswedan នៅមន្ទីរពេទ្យនោះ បាននិយាយថា លោក Baswedan ប្រឈមនឹងការខូចភ្នែកខាងឆ្វេង។

មន្ត្រីស៊ើបអង្កេតរូបនេះ បានរងការវាយប្រហារនៅទីក្រុងហ្សាកាតា អំឡុងពេលលោកដើរពីផ្ទះទៅវិហារមួយ នៅព្រឹកព្រលឹមថ្ងៃម្សិលមិញនេះ។

គណៈកម្មការលុបបំបាត់អំពើពុករលួយ បានថ្កោលទោសចំពោះការវាយប្រហារលើមន្ត្រីស៊ើបអង្កេតកំពូលរបស់ខ្លួន ហើយនិយាយថា ខ្លួននឹងមិនរាថយក្នុងការប្រយុទ្ធប្រឆាំងនឹងអំពើពុករលួយនោះឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។