គណៈកម្មាធិការជាតិរៀបចំការបោះឆ្នោត ឲ្យដឹងថាគ.ជ.ប បានត្រៀមបោះពុម្ភសន្លឹកឆ្នោតសម្រាប់បម្រើដល់ការបោះឆ្នោតក្រុមប្រឹក្សាឃុំ សង្កាត់នាពេលខាងមុខចំនួនជាង៩លានសន្លឹក គឺលើសចំនួនអ្នកបោះឆ្នោតជាង២០% នៃអ្នកចុះឈ្មោះជិត៨លាននាក់។
គណៈកម្មាធិការជាតិរៀបចំការបោះឆ្នោតគ.ជ.ប បានសរសេរនៅលើទំព័ហ្វេសបុករបស់ខ្លួនកាលពីថ្ងៃទី២៩ មេសា ថាខ្លួនបានត្រៀមរៀបចំបោះពុម្ភសន្លឹកឆ្នោតចំនួន ៩.៤២៦.៦០០សន្លឹក ដោយរាប់ទាំងសន្លឹកឆ្នោតបម្រុង សម្រាប់ត្រៀមបម្រើដល់ការបោះឆ្នោតនាពេលខាងមុខនេះ។
ចំនួននេះ គឺច្រើនលើសពីចំនួនប្រជាពលរដ្ឋដែលបានទៅចុះឈ្មោះបោះឆ្នោតជាង២០% ខណៈដែលពលរដ្ឋមានឈ្មោះបោះឆ្នោតមានចំនួន៧.៨៦៥.០៣៣នាក់។
បើតាមការបញ្ជាក់របស់គ.ជ.ប ការបោះពុម្ភនេះនឹងត្រូវចំណាយទឹកប្រាក់ជាង ២លានដុល្លារ និងត្រូវបញ្ចប់នៅថ្ងៃទី២៣ ខែឧសភានេះ។
គួររំលឹកផងដែរថា ការបោះឆ្នោតក្រុមប្រឹក្សាឃុំសង្កាតអាណិត្តទី៤ឆ្នា២០១៧ នេះនឹងប្រព្រឹត្តិទៅនៅថ្ងៃទី៤ មិថុនាឆ្នាំ២០១៧៕
