បារាំងបាននិយាយថា កម្លាំងរបស់ខ្លួននៅអាហ្រ្វិកភាគខាងលិចបាន សម្លាប់ និង ចាប់ខ្លួនពួកឧទ្ទាមនៅក្នុងព្រៃនៅក្នុងប្រទេសម៉ាលីនៅជាប់ព្រំដែនជាមួយប្រទេស Burkina Faso។
នៅក្នុងសេចក្តីប្រកាសព័ត៌មានបានបញ្ជាក់ថា យុទ្ធនាការវាយប្រហារលើក្រុមឧទ្ទាមនោះមានការចូលរួមទាំងកម្លាំងទ័ពអាកាស និង ទ័ពជើងកោគ ប៉ុន្តែពួកគេមិនបានបញ្ជាក់ថា តើក្រុមឧទ្ទាមដែលត្រូវវាយប្រហារនោះជាក្រុមណាមួយនោះទេ។ នេះបើតាមសារព័ត៌មានBBC។
ទាហានរបស់បារាំង ត្រូវបានសម្លាប់អស់ម្នាក់ កាលពីដើមមេសា ទើបនាំឲ្យមានការវាយប្រហារសងសឹកវិញយ៉ាងខ្លាំងពីបារាំង។
ប្រទេសម៉ាលី រងការវាយប្រហារពី ពួកឧទ្ទាមឥស្លាម បើទោះជា មានការជួយសហការពីយោធាបារាំងកាលពីឆ្នាំ២០១៣ក៏ដោយ ដើម្បីដោះស្រាយបញ្ហាពួកឧទ្ទាមនៅភាគខាងជើង។
អ្នកនាំពាក្យយោធា បារាំងថ្លែងថា ពួកក្រុមឧទ្ទាមជាច្រើន ត្រូវបានគេដាក់ចូលក្នុងគោលដៅនៃការវាយប្រហារ នៅក្នុងព្រៃ Foulsare នៅភាគខាងត្បូងនៃខេត្ត Gao។
កាលពីថ្ងៃសៅរ៍ សភារបស់សុមាលី បានបោះឆ្នោតដាក់រដ្ឋក្នុងស្ថានភាពអាន្នរយៈពេល៦ ខែដើម្បីដោះស្រាយបញ្ហាដែលមានកាវាយប្រហារពីពួកក្រុមឧទ្ទាម។