ការស្ទង់មតិបង្ហាញថា លោក Emmanuel Macron បេក្ខជនប្រធានាធិបតីរបស់បារាំង ជាអ្នកនយោបាយនិយមកណ្តាល កាន់តែមានប្រជាប្រិយភាពកើនឡើងជាង គូប្រជែងរបស់លោកផ្សេងៗទៀត ខណៈការបោះឆ្នោតកាន់តែខិតជិតចូលមកដល់។
ការបោះឆ្នោតស្ទង់មតិកាលពីសប្តាហ៍មុនបង្ហាញថា លោក Emmanuel Macron ដឹកមុខគួប្រជែងរបស់លោកគឺលោកស្រី Marine Le Pen ៦%។ ទោះយ៉ាងណាលទ្ធផលនៃការស្ទង់មតិជាថ្មីទៀត គឺលោកនៅតែមានប្រជាប្រិយកើនឡើងគឺកើនឡើងថែម២០%។ នេះបើតាមការចុះផ្សាយរបស់Skype News។
យោងតាមការចុះស្ទង់មតិរបស់ Harris Interactive បានសន្និដ្ឋានថា លទ្ធផល គឺលោក Macron ទទួលបាន៦១% ចំណែកលោកស្រី Le Pen ទទួលបាន៣៩%។
ការបោះឆ្នោតចុងក្រោយក្នុងការជ្រើសរើសប្រធានាធិបតីបារាំង នឹងចាប់ផ្តើមនៅថ្ងៃទី៧ខែឧសភា ឆ្នាំ២០១៧ខាងមុខនេះ។ បេក្ខជនដែលប្រកួតប្រជែងគឺលោក Macron និង លោកស្រី Le Pen។
លោកស្រី Le Pen គឺជាបេក្ខជនដែលគេស្គាល់ថា ស្តាំនិយមជ្រុល មានគោលនយោបាយតឹងរឹងក្នុងការអនុវត្តតាំងគោលនយោបាយក្នុង និង ក្រៅប្រទេស រួមទាំងការបិទច្រកព្រំដែនរឹតត្បិតជនអន្តោប្រវេសន៍ ការដូរពីប្រើលុយអឺរ៉ូមកលុយហ្រ្វង់វិញជាដើម។ ចំណែកលោក Macronគឺជាប្រើប្រាស់គោលនយោបាយនិយមកណ្តាល។ ទោះយ៉ាងណាប៉ុន្មានថ្ងៃមុន យុវជនបារាំងផ្ទុះការតវ៉ាថា ពួកគេមិនពេញចិត្តបេក្ខជនប្រធានាធិបតីទាំងពីររូបនេះ។
