មន្ត្រីការទូតរបស់រុស្ស៊ីប្រចាំនៅទីក្រុងបាងកកថ្លែងថា អ្នកធ្វើដំណើរតាមយន្តហោះពីទីក្រុងមូស្គូទៅបាងកក ចំនួន២០នាក់បានរងរបួសធ្ងន់ ដោយសារយន្តដឹកអ្នកដំណើររបស់រុស្ស៊ីនោះ បានបុកជាមួយស្រទាប់ខ្យល់នៅតំបន់ដែលមានសម្ពាធទាប។
តាមការចុះផ្សាយរបស់ទីភ្នាក់ងារព័ត៌មានរុស្ស៊ី TASS បានឲ្យដឹងថា នៅថ្ងៃចន្ទនេះ យន្តហោះរបស់ក្រុមហ៊ុន Aeroflot បានដឹកអ្នកដំណើរឆ្ពោះទៅកាន់ទីក្រុងបាងកក ហើយបានធ្វើឲ្យយន្តហោះខ្លោងខ្លាំងបណ្តាលឲ្យអ្នកដំណើរប្រមាណ២០នាក់ទាំងជនជាតិរុស្ស៊ី និង ជនបរទេសផ្សេងៗទៀតរងរបួសធ្ងន់។
ទោះយ៉ាងណា មន្ត្រីរុស្ស៊ីថ្លែងថា ចំពោះអ្នកដែលរងរបួសទាំងនោះគឺជាអ្នកដែលមិនបានពាក់ខ្សែក្រវ៉ាត់នៅកន្លែងអង្គុយ ឬ ពាក់មិនបានត្រឹមត្រូវ។ ចំណែកអ្នករងរបួសទាំងនោះត្រូវបានបញ្ជូនទៅព្យាបាលនៅមន្ទីរពេទ្យនៃទីក្រុងបាងកកប្រទេសថៃ។