ចិនប្តេជ្ញា នៅតែរក្សាមិត្តភាពល្អជាមួយ កូរ៉េខាងជើងជាប្រទេសជិតខាងខ្លួន បើទោះជាប្រព័ន្ធផ្សព្វផ្សាយរបស់កូរ៉េខាងជើង បានវាយប្រហារខ្លាំងលើប្រទេសចិន ជុំវិញការអន្តរាគមន៍ក្នុងការដោះស្រាយកម្មវិធីអាវុធនុយក្លេអ៊ែក្នុងឧបទ្វីបកូរ៉េក៏ដោយ។
ទីក្រុងប៉េកាំង កាលពីថ្ងៃព្រហស្បតិ៍ម្សិលមិញ ឆ្លើយតបទៅនឹងសារព្រមានរបស់ប្រព័ន្ធផ្សព្វផ្សាយរបស់ទីក្រុងព្យុងយ៉ាង KCNA ហើយចិនថា អរគុណដែលកូរ៉េខាងជើងបានជួយការពារក្នុងនាមជាប្រទេសជិតខាងគ្នាកន្លងមក។
មួយរយៈកាលចុងក្រោយនេះ ចិនបានធ្វើការជាមួយសហរដ្ឋអាមេរិក ដើម្បីដោះស្រាយបញ្ហាកម្មវិធីអាវុធនុយក្លេអ៊ែរបស់កូរ៉េខាងជើង ហើយពិសេសប្រើមធ្យោបាយផ្សេងទៀត ដើម្បីទប់ស្កាត់មិនឲ្យកូរ៉េខាងជើងបាញ់សាកល្បងអាវុធនុយក្លេអ៊ែជាថ្មីទៀត ។
ប្រព័ន្ធផ្សព្វផ្សាយរដ្ឋកូរ៉េខាងជើងKCNAបានចុះផ្សាយព្រមានថា ចិន នឹងមានគ្រោះថ្នាក់ហើយហៅចិនថា ជាជនដែលក្បត់មិត្តភ័ត្តិ។
ទោះយ៉ាងណា អ្នកនាំពាក្យក្រសួងការបរទេសចិនលោក Geng Shuang ថ្លែងថា ចិននៅតែរក្សាទំនាក់ទំនងល្អជាមួយកូរ៉េខាងជើង លើកិច្ចសហប្រតិបត្តិការផ្សេងៗដដែល៕