តុលាការនៅភាគខាងត្បូងទីក្រុងចាការតា នៃប្រទេសឥណ្ឌូនេស៊ី បានសម្រេចកាត់ទោសអតីតអភិបាលក្រុង លោក Basuki Tjahaja Purnama ដែលកាន់សាសនាគ្រឹស្តឲ្យជាប់ពន្ធនាគារ ពាក់ព័ន្ធការចោទថា បានបំពានដល់គម្ពីរសាសនាឥស្លាមគឺគម្ពីរ គូរ៉ាន់។
កាលពីថ្ងៃអង្គារសប្តាហ៍នេះ លោក Basuki Tjahaja Purnama ដែលហៅលោកឈ្មោះមួយទៀតថា Ahok តុលាការសម្រេចឲ្យជាប់ពន្ធនាគារចំនួន ២ឆ្នាំ។
ការសម្រេចនេះ នាំឲ្យអ្នកប្រាជ្ញខាងសាសនាឥស្លាមនានា បានបង្ហាញការព្រួយបារម្ភថា នេះជាសកម្មភាពដែលរុញច្រានកាន់តែខ្លាំង ឲ្យមានគំនិតប្រកាន់ជំហរតឹងកើនឡើង នាំឲ្យបែកបាក់អ្នកកាន់សាសនាឥស្លាម។នេះ បើតាមសារព័ត៌មាន Channel News Asia។
នៅខាងមុខតុលាការ បន្ទាប់ពីស្តាប់ការប្រកាសសេចក្តីសម្រេចហើយ មនុស្សប្រមាណ១០០០នាក់ ដែលប្រឆាំងអភិបាលក្រុងនោះ បាននាំគ្នាស្រែកអបអរ ហើយប្រើពាក្យថា “Allahu Akbar” ដែលមានន័យថា ព្រះគឺអស្ចារ្យខ្លាំងណាស់ ចំណែកក្រុមអ្នកគាំទ្រអភិបាលក្រុងរូបនោះជាអ្នកកាន់សាសនាឥស្លាមជាច្រើនទៀត បានសម្តែងការឈឺចាប់ និង នាំគ្នាស្រែកយំ៕