តារាកំប្លែងល្បីឈ្មោះរបស់តៃវ៉ាន់ទទួលមរណភាពនៅព្រឹកនេះ​

តារាកំប្លែងដែលល្បីឈ្មោះនៅក្នុងដែនដី​តៃវ៉ាន់ Chu Ke-liang បានទទួលមរណភាពព្រឹកព្រលឹមថ្ងៃចន្ទនេះ ក្នុងអាយុ៧០ឆ្នាំ។​

តាមប្រព័ន្ធផ្សព្វផ្សាយនៅតៃវ៉ាន់បានចុះផ្សាយថា លោក​ Chu បានទទួលមរណភាពនៅម៉ោង​៥ព្រឹកថ្ងៃចន្ទនេះ នៅក្នុងមន្ទីរពេទ្យនៃសាកលវិទ្យាល័យវេជ្ជសាស្ត្រមួយនៅក្នុងទីក្រុងតៃប៉ិ បន្ទាប់ពីការចំណាយពេលអស់ជាច្រើនសប្តាហ៍នៅទីនោះដើម្បីព្យាបាលជំងឺ។​

រោគវិនិច្ឆ័យបង្ហាញថា តារាកំប្លែងរូបនោះមានមហារីកពោះវៀនធំកាលពីឆ្នាំ២០១៤ ហើយស្ថានភាពជំងឺកាន់តែធ្ងន់ធ្ងរ កាលពីខែមុនបន្ទាប់ពីមហារីកនោះរាលដាលដល់ថ្លើមរបស់លោក៕