សហរដ្ឋអាមេរិក និង ជប៉ុន កាលពីថ្ងៃអាទិត្យម្សិលមិញ បានស្នើសុំឲ្យក្រុមប្រឹក្សាសន្តិសុខអង្គការសហប្រជាជាតិ បើកការប្រជុំជាបន្ទាន់មួយ ដើម្បីជជែកករណីកូរ៉េខាងជើងបានបាញ់អាវុធមីស៊ីលជាថ្មីទៀត ដែលជាផ្នែកមួយនៃការគំរាមកំហែងដល់សន្តិសុខក្នុងតំបន់។
កាលពីព្រឹកព្រលឹមថ្ងៃអាទិត្យម្សិលមិញ កូរ៉េខាងជើងបានបាញ់សាកល្បងអាវុធ មីស៊ីលជាថ្មីទៀតហោះបានជាង៧០០គីឡូ ម៉ែត្រ ដែលជាការប្រឆាំងប្រធានាធិបតីថ្មីរបស់កូរ៉េខាងត្បូងលោក Moon Jae-In ជាអ្នកសេរីនិយមលោកថ្លែងថា ចង់បញ្ចប់ភាពតានតឹងជាមួយកូរ៉េខាងជើង។ នេះបើតាមទីភ្នាក់ងារព័ត៌មានAFP។
តាមការឲ្យដឹងពីមន្ត្រីជាន់ខ្ពស់អង្គការសហប្រជាជាតិបានឲ្យដឹងថា ការប្រជុំបន្ទាន់លើករណីកូរ៉េខាងជើងបាញ់អាវុធមីស៊ីលតាមការស្នើឡើងរបស់អាមេរិក និង ជប៉ុននេះ គ្រោះនឹងធ្វើនៅរសៀលថ្ងៃអង្គារស្អែកនេះ។
ការបាញ់នេះគឺជាលើកទី២ក្នុងរយៈពេល២សប្តាហ៍ ដែលនាំឲ្យសហគមន៍អន្តរជាតិកាន់តែមានការព្រួយបារម្ភខ្លាំងថា កម្មវិធីអាវុធនុយក្លេអ៊ែររបស់កូរ៉េខាងជើងកាន់តែខ្លាំងឡើងអាចឈានដល់ការបាញ់បានរក្នុងរយៈវែងមួយហើយគ្រោះថ្នាក់កាន់តែខ្លាំង។
ការបាញ់មីស៊ីលចុងក្រោយនេះ ទីក្រុងព្យុងយ៉ាងបានចាប់ផ្តើមបាញ់ចេញពី តំបន់សេដ្ឋកិច្ចសិសកៃសុង នៅភាគពាយព្យនៃឆ្នេរ គឺនៅក្បែរឆ្នេរសមុទ្រជប៉ុន៕