អន្តរជាតិ

នាវាចម្បាំងមកពីប្រទេស២០ជួបប្រជុំគ្នានៅសិង្ហបុរីនៅថ្ងៃនេះ

ដោយ វីអូឌី
| ១៥ ឧសភា ២០១៧
ម៉ោង ១៣:៥៧

នាវាចម្បាំងមកពីប្រទេសចំនួន២០លើពិភពលោក បានប្រមូលផ្តុំគ្នានៅមូលដ្ឋានទ័ពជើងទឹក Changi របស់សិង្ហបុរីនៅព្រឹកថ្ងៃចន្ទនេះ ជាថ្ងៃដែលសិង្ហបុរីរៀបចំការជួបប្រជុំកម្លាំងកងទ័ពជើងទឹកជាលើកដំបូង ហើយត្រូវអ្នកតាមដានហៅថា នយោបាយការទូតផ្នែកកងទ័ពជើងទឹក។

ក្បួននៃការជួបជុំគឺត្រួតពិនិត្យលើសន្តិសុខដែនគោក និង ដែនសមុទ្រ ដែលសមុទ្រគឺនានាចម្បាំងចំនួន៤៦គ្រឿង យន្តហោះចម្បាំងចំនួន៤គ្រឿង មកពីប្រទេសចំនួន២១រួមទាំងសិង្ហបុរី។នេះបើតាមសារព័ត៌មានChannel News Asia។

ក្នុងចំណោមប្រទេសទាំង២០នោះ រួមមាន United States, China, Russia, France, Malaysia, Indonesia, Thailand, Sri Lanka, India, Australia, New Zealand, Japan, South Korea, Myanmar, Philippines, Canada, Pakistan, Vietnam, Bangladesh និង Brunei។

ការជួបជុំគ្នាថ្ងៃនេះ ក៏ចំថ្ងៃខួប៥០ឆ្នាំនៃការបង្កើតកងទ័ពជើងទឹករបស់របស់សិង្ហបុរី ហើយការជុំគ្នានេះក៏ធ្វើឡើងបន្ទាប់ពី កងទ័ពចម្រុះត្រឡប់ពីការពិនិត្យគោលដៅបីសំខាន់កាលពីសប្តាហ៍មុនគឺ នាវាចម្បាំងចំនួន៣របស់សិង្ហបុរីបាន នាំមុខវាចម្បាំងផ្សេងៗ ធ្វើដំណើរពីច្រកផ្លូវទឹក Malacca និង សមុទ្រចិនខាងត្បូង។
មូលដ្ឋានទ័ពជើងទឹករបស់សិង្ហបុរី Changi គឺទទួលនាវាចម្បាំងពីអន្តរជាតិជាង១០០រាល់ឆ្នាំ ដែលនេះជាផ្នែកធ្វើឲ្យសិង្ហបុរីមានការទំនាក់ទនងបានរឹងមាំផ្នែកយោធាជើងទឹកជាមួយប្រទេសនានាលើពិភពលោក៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។