ក្រុមប្រឹក្សាសន្តិសុខអង្គការសហប្រជាជាតិ បានថ្កោលទោសកូរ៉េខាងជើង ចំពោះការបាញ់មីស៊ីលថ្មីៗនេះ ហើយព្រមានថា នឹងមានការដាក់ទណ្ឌកម្មថ្មីបន្ថែមទៀត។
នៅក្នុងសេចក្តីថ្លែងការណ៍រួម សមាជិក១៥ប្រទេស បានទទួចឲ្យទីក្រុងព្យុងយាង ត្រូវបញ្ឈប់ការសាកល្បងអាវុធមីស៊ីលបន្តទៀត។ កូរ៉េខាងជើងនៅពេលថ្មីៗនេះ ថ្លែងថា មីស៊ីលដែលបាញ់សាកល្បងកាលពីថ្ងៃអាទិត្យគឺមានលទ្ធភាពក្នុងដឹកជញ្ជូនក្បាលគ្រាប់នុយក្លេអ៊ែទ្រង់ទ្រាយធំបាន។នេះបើតាមសារព័ត៌មានBBC។
មីស៊ីលដែលបាញ់នោះគឺរត់បានចម្ងាយ៧០០គីឡូម៉ែត្រ ហើយលទ្ធភាពប្រើអស់គឺអាចបាញ់បាន២០០០គីឡូម៉ែត្រ ដែលគ្រាប់នោះធ្លាក់នៅក្នុងសមុទ្រជប៉ុនខាងលិច។