ការចរចាជាថ្មីទៀត លើបញ្ហានៅស៊ីរី ចាប់ផ្តើមឡើងវិញនៅថ្ងៃអង្គារនេះ នៅក្នុងទីក្រុងសឺណែវ ជាការជំរុញចុងក្រោយរបស់អង្គការសហប្រជាជាតិ ដើម្បីដោះស្រាយបញ្ហាជម្លោះនៅស៊ីរីដែលអូសបន្លាយ៦ឆ្នាំមកនេះ ហើយបានបណ្តាលឲ្យមនុស្សជាង ៣២០ ០០០នាក់ស្លាប់។
ការចរចា៥លើកមកហើយដែលអង្គការសហប្រជាជាតិ បានបរាជ័យ មិនបានទទួលលទ្ធផលដូចការរំពឹងទុក ក្នុងការដោះស្រាយបញ្ហានៅក្នុងប្រទេស៊ីរីនោះទេ។
ប្រធានាធិបតីបាល់សា អាល់អាសាទ បានពង្រឹងអំណាចប្រើកម្លាំងទ័ពដើម្បីការពារតំណែងទប់ទល់ជាមួយ ក្រុមបះបោរច្រើនក្រុមដែលកំពុងធ្វើសកម្មភាពផ្តួលរំលំរបបដាម៉ាស់។ នេះបើតាមទីភ្នាក់ងារព័ត៌មានAFP។
នៅពេលថ្មីៗនេះ លោកអាសាទ ក៏បានអំពាវនាវទៅទីក្រុងសឺណែវ ឲ្យទុកជាមោឃៈ ចំពោះដំណើរពិភាក្សា នៅក្នុងប្រទេស Belarus កាលពីពេលកន្លងទៅ។