ក្រុមហ៊ុនអាកាសចរណ៍ល្បីឈ្មោះរបស់ហុងកុងឈ្មោះ Cathay Pacific Airways បានប្រកាសនៅថ្ងៃចន្ទនេះ ថា នឹងកាត់បន្ថយបុគ្គលិកចំនួន៦០០កន្លែង ដែលក្នុងនោះរួមទាំងអ្នកគ្រប់គ្រងចំនួន១៩០កន្លែង និង បុគ្គលធម្មតាជាង៤០០កន្លែងទៀត ត្រូវបញ្ឈប់នៅពាក់កណ្តាលខែមិថុនា។
ក្រុមហ៊ុនCathay Pacific ថ្លែងថា បុគ្គលិកជូរមុខ អ្នកបើកយន្តហោះ និង អ្នកធ្វើការនៅលើយន្តហោះ មិនស្ថិតនៅក្នុងចំណោមការបញ្ឈប់នោះទេ។ នេះបើតាមទីភ្នាក់ងារព័ត៌មានរ៉យទ័រ។
កាលពីខែមីនា ក្រុមហ៊ុននេះ បានប្រកាសរៀបចំសម្រួលផែនការផ្ទៃក្នុង ដើម្បីកាត់បន្ថយការចំណាយ លើអ្នកគ្រប់គ្រងថ្នាក់កណ្តាលនិងថ្នាក់ខ្ពស់ ដោយគោរពតាមច្បាប់ហុងកុងអាចកាត់បន្ថយបានចំនួន៣០%។ ការកាត់បន្ថយបុគ្គលិកចាប់ផ្តើមឡើង បន្ទាប់ពីរបាយការណ៍ហិរញ្ញវត្ថុប្រចាំឆ្នាំខាតតាំងពីឆ្នាំ២០០៨មក៕
